تجارب فى عالم التجميل

-ماسك الخيار سواء شرائح او عصير للبشرة بيجنن كتير،بيصفي بينعم وللهالات السوداء اكتر من رائع وسريع المفعول

2-زيت الخروع للرموش دهان طبقة خفيفة عالرموش كل ليلة بطول الرموش وبقويها وحتلاحظي الفرق من اول مرتين تلاتة!!!


3-احضري خبزة واحرقيها عالاخير زي الفحمة واسحقيها مع شوية عسل لتصير معجون وفرشي فيها اسنانك
وحتلاحظي البياض من اول مرة !!!


4-عمل حمام زيت لشعرك بخليط من الزيوت (انااستخدم هندولين مصري هوة وفيه انواع زيوت كتير طبيعية)هالحمام حيطول شعرك بسرعة وحيمنع التساقط وحتى لوشعرك مو محتاج مفيد ليغذي الشعر حتى لوكان شعرك مابتساقط.


5-قشور الليمون اوعصيرها عالاكواع والركب اكتر من رائع بفتحها بسرعة وكمان لو حطيتيه على ايديكي حلو ببيضهم وبينعمهم كتير.


6-مزيج مقادير متساوية من الجلسرين+عصير الليمون +ماء ورد هالخليط بيجنن لنعومة الايدي والارجل والجسم
وبيفتح كمان وبيعطو نعومة زي البيبي والله عن تجربة وحلو كمان عفكرة للوش.


7-الصابونة النابلسية الاستحمام بها او غسل الوش بها بخلي الجسم ناعم من اول مرة بجد وبتحسي انها بتنظف وبتشيل الخلايا الميتة هية بتفقع ومابترغي زي الصابون العادي بس نتيجتها رائعة.


8-معجون الاسنان عالانف بيشيل او بقلل الزيوان.


9-سكر+عصير ليمون+زيت زيتون بحث يكونو عجيبنة ليست سائلة وليست جامدة ودعك الجسم بيها بقوة (بس الوجه بخفة شديدةوحركة دائرية)تتبر مقشر رائع جدا جدا جدا بيشيل الحبوب الي بتخلي الشعر يطلع تحت الجلدبجد روعة.


10-دهن الوش بماء ورد بارد وذلك بغمس القطنة في ماء الورد ودهن الوجه بها يعطيه اشراقة وتورد وبيبرد عالوجع وحلو كتير بروقو وينعشو.


11-زبدة الكاكاو مهمة جدا لنعومة وعدم تقشر الشفاه وتكون نوع ممتاز متل لابيللو labello


12-شامبو هيربل اسنسز روعة للشعر بحسو طبيعي ومو كيماوي وناعم عالشعر وريحتو حلوة
ولااااااااااااااااااااا عمركو تستعملو شامبة جونسون تبع الاطفال لشعركو لانو خفيف جدا جدا جدا ومابنظف وبلبد الشعر هوة خاص لشعر الاطفال وشعر الاطفال ناعم بكون وخفيف مش محتاج شامبو قوي لهيك جونسون معمول خفيف مناسب لفروة وشعر الاطفال.


وهي كل شي تقريبا
ان تزكرت شي تاني حكتبو
بس بجد هاي نصائح خالصة الكو
واعتقد كلها مناسبة لكل البشرات ولاتحبطوني وتحكو هي جايبة النا خلطات قديمة ولاشغلات معروفة لانو هاي والله من تجاربي الخاصة....
كمان خلي بالكو الموضوع بالالوان قوس قزح انبسطو بدي افتح نفسكو