لمن يحب الصراحة فقط.....

السلام عليكم ورحمة الله وبركاته
إذا كنت صريحا فقط .. أجب عن الأسئلة التالية ولا تحاول إكثار الكلام فالصراحة دائما ما تكون بالكلمة الخفيفة الصامدة .
وإذا شعرت بنقص في صراحتك أنصحك بالتراجع لأن كلمتك هي مقدارك
.1* قبل اسمك ماذا تحب أن تكتب ؟
2* قطار حياتك الى اين يتجه ؟
3* هل تسعد بمصيبة من لا تحب؟
4* هل انت حقود او غيور ؟
5* حقيبة اسرارك عند من تودعها؟
6* احد علماء النفس قال ذات مرة : أنه باستطاعة الانسان العيش من دون اصدقاء ..ماذا ترى أنت ؟
7* أين تأخذك ذروة الغضب؟
8* ما أقبح شئ فى شخصيتك ؟
9*هل تحب ان تصبح مشهورا؟
10* من تنسى نفسك لاجلة؟
11* متى يقسو قلبك؟
12*هل حدث أن انتصرت على نفسك يوما وأحصيت عيوبك ؟
13* ما هو انطباعك عن اصدقائك؟
14* متى تخجل من نفسك ؟
15*في زمن البحث عن المادة ،عن ماذا تبحث أنت؟

ياريت اشوف اجوبتكم
وللامانة الموضوع منقول

انى اؤل وحدة بجاوبكويلا استعدى لاجابة 1-احب اؤلك ازيك 2-لطريق مكنتش عايزاة 3-لا عمرها ماوصلت لكدةمعايا 4-غيورة جداااااا 5مش حد معين 6-انا اقدر اعيش من غير حد 7-لتدمير اى حاجة حتى لو هخسر كل حاجة 8-العصبية والغيرة 9-جداااااااااا وحلم من احلامى 10-شخصية عزيزة عليا 11-عند حضور كبريائى 12-نعم كتير جدا وبنجح فيها 13-والله عادى مش فى دماغى 14-لما احس انى عايزة اخون حد 15-راحة البال والنجاح والشهورة والسفر

انا هرد على الاسئلة دى علشان طلبك يا كيرى
1* قبل اسمك ماذا تحب أن تكتب ؟
....احب اكتب كلمة الاستاذة
2* قطار حياتك الى اين يتجه ؟
....الى طريق غامض فأنا لا اقودة وحدى
3* هل تسعد بمصيبة من لا تحب؟
....اكيد محدش بيفرح فى مصايب غيرة....بس....وبكل صراحة لو حد عمل فية موقف جرحنى اوى وضايقنى قوى لما ربنا يردلة نفس الموقف فية بقول احسن علشان يدوق اللى عملة فية بس ارجع اقول اللهم لا شماتة

4* هل انت حقود او غيور ؟
....غيورة جداااااااااااا ....حقد بصراحة لسة ماتحططش فى موقف يبين ان كانت دى حاجة فية ولا لا

5* حقيبة اسرارك عند من تودعها؟
عند اخواتى وبعض اصدقائى مش كلهم ودة لانى مبعرفش اكتم حاجة فى نفسى
6* احد علماء النفس قال ذات مرة : أنه باستطاعة الانسان العيش من دون اصدقاء ..ماذا ترى أنت ؟
لا طبعا لان اصحابلى كل حياتى ميعديش يوم الا اما اكلم حد منهم ودول عشرة عمرى ف علاقتى بيهم منذ 7 سنوات

7* أين تأخذك ذروة الغضب؟
....الحمدللة مبصلش ليها لانى من النوع اللى بيهدى بسرعة وبصراحة مجربتهاش لان اللى حولية يمتصوا غضبى بسرعة بس ممكن لما ازعل اعك فى الكلام مع اللى قدامى واخبط فى الحلل

8* مااقبح شئ فى شخصيتك؟
....انى اما احب حد قوى اغفرلة مهما ان عمل فية حتى لو اهان كرامتى ومبشفش فى عيوب واما اكرة حد قوى بشوف كل مساوئ الدنيا فية ومعرفش اعديلة موقف
9*هل تحب ان تصبح مشهورا؟
....لا احب الشهرة

10* من تنسى نفسك لاجلة؟
....لسة مقبلتش اللى يوصلنى للمرحلة دى

11* متى يقسو قلبك؟
....عند اقتناعى بان شئ خطأ اقسو على فاعلة بس بيكون الغرض هو انى اوصلة مدى خطأة مش اكتر ودى وصلة ناس كتير اعرفهم انهم يخافوا يحكولى على اى حاجة هما عارفين انى هشوفها غلط

12*هل حدث أن انتصرت على نفسك يوما وأحصيت عيوبك ؟
....انا بعتبر ان فية عيوب كتيراعرف بعضها واجهل البعض الاخر بس حتى اللى اعرفها مش قادرة اغيرها

13* ما هو انطباعك عن اصدقائك؟
....رفقة عمرى

14* متى تخجل من نفسك ؟
...لما انصح حد بشئ غلط عملة واقسو علية فى الكلام وبعد فترة الاقى نفسى بعمل الشئ دة

15*في زمن البحث عن المادة ،عن ماذا تبحث أنت؟
....كل اللى يهمنى ان اعيش وسط ناس يحبونى مش بس احبهم

1-انا تعبت اوي علي ما عرفت ارد ازاي
2-اخلص واتجوز واربي العيال
3-لا انا مليش دعوه بحد و ربنا يوفق الجميع
4-بغير جدا جدا بس علي البني ادم اللي ليه معزه عندي او يعني اللي يكون....
5-اللي ينفع احكيه بيبقي مع هقرب صاحبه ليه والي مينفعش يتحكي بيبقي معايا
6-مستحيل
7-ببعد خالص عن الشخص اللي مضايقني
8-اني مش عارفه عايزه ايه
9-لا انا اصلا مبحبش حد يبصليبس احب اني اكون محبوبه ف المكان اللي اكون فيه لكن محبش حد يكون مركز معايا
10-ممكن يكون ولائي ل ماما شويه لو حسيت انها محتجالي لكن مش اوي يعني
-11-لو حد جرح كرامتي او استضعفني اوي
12-لا يمكن عشان مش عارفه الصفات اللي فيه عيوب ولا لا
13-في منهم لذاذ جدا وفي الي تصرفاته غير كلامه يعني تسمع كلامها تلاقيه كويس جدا بس عكس خالص اللي بتعملو وفي الي صورته وحشه اوي بس من جوه طيب اوي
14-لو قلت كلمه مش وقتها
15-حياه لذيذه مع عيله كبيره اوي وقرايب واصحاب كتير

اولاا
انا سعيدة جدا بالردود الجديدة ومن الاعضاء الجداد كمان اهلا جى جى نورتينا
ثانيا
* ما أقبح شئ فى شخصيتك ؟
الصراحه انا مش لاقي حاجه حلوه فيا
بجد يا فيدو الكلام دة مش صح متحبطش نفسك كدة بس بجد كل واحد فى حاجة تميزة
بالرغم انى معرفكش الا ان انطباعى من خلال ردودك ومواضيعك انك شخصية جريئة متفهمة جدااا بحس كمان انك عاقل
خلى عندك تفاؤل متقولش كدة على نفسك كدة تانى

انا كمان مع كريزى فى رايها
واكبر ميزة فيك انك صريح واؤلت الى انت شايفة
بس انت فعلا ردودك تدل على شخصيتك

انا كده هتغر بصراحه
احب اقلوكو حاجه
الانسان مهواش ردود و مواضيع و بس
عمركو ما هتعرفوا شخصيه اي انسان من النت
لانه بيغر حجات كتير لان الانسان بياخد و قت يفكر في الاحاجه اللي عايز يقولها
و بالتالي هتلاقي الكلام متذوق و مفيش اخطاء
اما في الحقيقه تلقائيه الانسان هي اللي بتحدد شخصيته
(عارفين الدكاتره النفسين لما يقولو للمرضي بتاعهم هسألك اسئله و جاوب من غير ما تفكر)
هما بيعملو كده عشان يعرفوا شخصيه المريض
انا منكر ان الكلام على النت حلو في حجات....
من ناحيه انك ما بتنخدعش في مظهر اللي واقف قدامك
ممكن الشخص يكون حلو و جذاب بس بيعرفش حاجه في اي حاجه

على العموم شكرا انتو بتددوني امل و الله

على الرغم من كل اللى قولتة بردة رأى متغيرش
دة انت زودت احترامى ليك
كلك تواضع
والانسان السوى بس هو اللى بيعترف بعيوبة ويجهل مميزاتة او يترك المميزات للغير هو اللى يذكرها
شكراااااااااااااااااااااااااااااااااااااا فيدو

مش بؤلك احسن ميزة فيك صرحتك تعرف انا كمان بؤل على نفسى كدة
بس مش معنى كدة انى شيطان اكيد فيا حجات كويسة انا معرفهاش
واتمنى ان احنا كلنا نتغير للحسن

قبل اسمك ماذا تحب أن تكتب ؟
1-بحبكو وللهى

قطار حياتك الى اين يتجه ؟
2-أيام سوده أكيد رايحه على مستقبل أسود من الايام.

هل تسعد بمصيبة من لا تحب؟
3-لا وربنا أبدن..بقول ربنا معاه ولو أقدر اساعدو هساعدو.

هل انت حقود او غيور ؟
4-ممكن تقول غيور الى حد ما بس مش اوى يعنى.

حقيبة اسرارك عند من تودعها؟
5-اسرارى معايا..معنديش حد اقولهالو.

احد علماء النفس قال ذات مرة : أنه باستطاعة الانسان العيش من دون اصدقاء ..ماذا ترى أنت ؟
6-اها طبعن ممكن الواحد يعيش لوحدو..عالم النفس قال كده وتامر حسنى قال ""محدش مات م الوحدة ""

أين تأخذك ذروة الغضب؟
7-انا عمرى م اتنرفزت اصلن.

ما أقبح شئ فى شخصيتك ؟
8-الحزن.

هل تحب ان تصبح مشهورا؟
9-فكرت مرة انى ابقى كده .. بس دلوقت مش أحب ابقى مشهور خالص.

من تنسى نفسك لاجلة؟
10-اللى يفهمنى بس محدش يستهال..بس لو لقيت حد يفهمنى "كلي على بعضى" ممكن اديلو عنيا وكل حاجه لو حكمت.

متى يقسو قلبك؟
11-لسه ممرتش بالموقف اللى لقيت فيه قلبى قاسى.

هل حدث أن انتصرت على نفسك يوما وأحصيت عيوبك ؟
12-اها حصل وبيحصل..بس مش اوى يعنى.

ما هو انطباعك عن اصدقائك؟
13-عادى يعنى اصحابى كلهم مجرد زمايل مش أكتر.

متى تخجل من نفسك ؟
14-أخجل من نفسى لما اكون اقدر اعمل حاجه ومعرفش معملهاش.


15 زمن البحث عن المادة ،عن ماذا تبحث أنت؟
-الموت

شيتوس انا سعيدة جداااا جدااا
بردك على الموضوع بتاعى
بس اية الكأبة دى تبحث عن الموت حراام عليك
وبتعتبر اصحابك زمايل...
على العموم كلنا كنا كدة فى الأول بس مع المنتدى انشاء اللة هتلاقى اصحابك
وهطلع اسرارك
وشكراااااااااااااااااااااااااااااااااا على مشاركتك الحلوة دى