كدب فى كدب

ههههههه

والله يا كريزى انا مش عارف اقولك ايه ع المواقف اللى بتحصلك دى
يعنى لازم تكليها فى البيت يعنى . انا لو منك كنت كلتها قبل مروح اساسا

بس كويس ان مامتك افشتك . عشان كان ممكن تتعبى

وبما انك نسيتى تسيبى سؤال اسأل انا:

انت عمرك كان نفسك تضرب حد ؟ ولو آه . مين؟

انا نفسى اضرب كل الناس بس اللى نفسى اضربة قوى قوى
ماما
دى اجابة كدب طبعاااااااااااااااااااااااااااااااااااااااااااااااااااااااااااا
سؤال.........
بتخاف مع قرب الامتحانات.؟؟؟

بما ان الاجابة بالكدب
فأنا مش هاجوب
السؤال بقى :
مشلتش كام مادة ف الترم ده ؟؟

والله بما انى الاجابة بالعكس فانا سقط فى كلو
ماعدا مادة امتياز (رفع) بس بلاش حسد
وكان نفسى اجيب امتياز فى كلو عناد فى اهلى دخلونى الكلية دى بالعاقية

وكنت دخلة منوة سقوووووووووووووووووط
اية رايك فى زميلك

زميييل اية انا مبطقش حد اصلاااا لا صديق ولا زميل
بس كلهم شخصيات تافهة وعقولهم خفيفة
سؤاااااال...
تعمل اية فى اللى يفتح عليك وانت بترن علية رنة بريئة؟؟

بما ان الاجابه بالعكس

(نهاااااااااااااااااااااااااااااااائى) عمرى مفكرت التفكير ده .. بجد بجد يعنى (مستحيييييييييييييل) .. قال اسيت مصر ...

انت بتهزر يا كيرى .. (اسيب مصر .. اسيب مصر ازاى .. مصر .. مصر .. مصر دى امى فيه حد يقدر يسيب مامته)

معلش يا جماعه طولات فى الاجابه شويه .. اصل السؤال غاظنى بصراحه


سؤالى:

تعمل ايه لو وقت منتا تكون عايز صاحبك يفهم ان دى رنه والسلام .. بيفتح عليك , ولما فعلا تكون عيزه فى حاجه مهمه وعيزه يفتح عليك .. يقوم الرزل ميفتحش؟ هتعمل ايه وهيكون ايه شعورك؟

ليه بس مع انه والله انا شيفه سؤال سهل وعادى يعنى .. يا رب حد يبقى يجاوب عليه؟

وبعدين ايه يا كيرى الكئابه اللى انت مش عايز تسيبها دى ابدا .. يا كيرى والله الحياه لذيذه وحلوه .. على رأى واحد مش عارف اسمه كان بيغنى ويقول (الحياه حلوه بس نفهمها) , بلااااااااااااااااااش الكئابه دى .....
نفسى تكون متفائل شويه ....

ومع ذلك برضه هجاوب على سؤالك:

وبما ان الاجابه بالعكس:

(اكيييييييييييييييييد) يعنى عايز اموت , ده انا حتى واثق ميه الميه انى هخش (الجنه) حدف .

وبيتهيألى ان اى واحد فى العالم (بيتمنى) انه يموت


اظن واضح


سؤالى:

ايه آخر مره حسيت فيها انك بتحب الحياه ؟

مش فكرة والله الاجابة بالعكس طبعاه
بس بما انى حالتى دلؤقت كويسة جدااااااا
فانا طول عمرى بحب الحيااااااااااااااااة
سؤالى انت بقى اخر مرة كنت متفائل

انا طول الوقت متفائل




يا أهل النور



سؤالى

هل انت سعيد

برضه بحس بنبره بالكئابه فى سؤالك .. انا بجد نفسى اشوفك سعيد يا كيرى ...

سبما ان الاجابه بالعكس

حاليا وبكل صراحه (لالالالالالالالالالا) , سؤالى :

تقدر تعيش من غير اهلك؟

اة اقدر وخصوصا امى اقدر جداااااااااااااا
لما بتغيب عنى ساعة بس مش بتوحشنى
ومش بحس انى بيبى لسة محتاج مامتة
انت لو ان شاء الله سافرت اية اكتر سبب هتزعل علية

بما ان الاجابه بالعكس

اكيد يعنى هو انى (مش) هسيب اهلى واصحابى ...
غير كده (اعتقد ان كل حاجه تهمنى)
اظن واضح .. لحد يفهمنى غلط ولا حاجه

سؤالى:
ايه الحاجه اللى نفسك تعملها حاليا مش فى المستقبل؟

والله دلؤقت نفسى انفذ الى فى دماغى
ولو نفذتة هيغير مسار حياتى بس مش قادرة انفذة
عاوز منى مجهود معنووووووووووى كبييييييييييييييييييير
وحاجة كمان اؤم انام حل المشكلة
اية اكتر فترة كرهتها ولية

بما ان الاجابه بالعكس

اكيد يعنى (مش) ايام دراسه الثانويه العامه
واظن السبب (مش) واضح

سؤالى:
ايه آخر مره حسيت فيها انك قلقان؟

اخر مرة كنت قلقانة فيها
لما قالو ان النتيجة طلعت وانا مكونتش جبتها
اية اخر مرة كنت بتؤل انا مش كويس

انا على طووووول كويسة عمرى ما كنت مش كويسة
الحمد للة على كل شئ اللهم لا اعتراض

وبعدين يا كيرى فكها شوية بلاش نكد وهقولك على حاجة بجد بعملها لما اتخنق قوى
ادخل قوضك وصلى ركعتين للة وخفف الاضاءة واقرا شوية قرأن واقعد اتكلم مع ربنا طلع كل اللى فى قلبك لحد ما تحس انك ارتحت صدقنى الموضوع دة مجرب ومضمون وفى الاخر ارمى كل مشاكلك على ربنا ووكلة فى امرك صدقنى مش هتخسر ابداااااوهتحس براحة نفسية كبييييرة بعدها
سؤااال
انت متفاهم مع الناس؟؟

والله يا كريزى بجد بجد نصيحه اشكرك عليها .. انا مش عارف الحل ده كان غايب عنى فين .. اهه يا عم كيرى حاول انت بس تنفذ كلام كريزى وكل حاجه هتبقى تمام ان شاء الله
ومره تانيه بجد بجد اشكرك يا كريزى .. ومش عارف اقولك ايه بصراحه

بما ان الاجابه بالعكس
بيتهيألى (لا) بس انا بتمنى انى اكون (مش) متفاهم معاهم كلهم .. وبيتهيألى انى (معرفش) اخلى حد ياخد عليا بسرعه
سؤالى:
لو فيه موضوع معين وانت ليك رأى فيه .. وواحد تانى ليه رأى مخالف ومصر عليه بطريقه تستفز .. ومصر يقنعك برأيه وانت مش مقتنع من جواك .. هتعمل ايه هتوافقه عشان تسكته وخلاص .. ولا هتصر على رأيك؟

لا (هوافق) علشان اسكتة وخلااااص هاخدة على قد عقلة يعنى
سؤااال...
ممكن تبيع اقرب النا س ليك تحت اى ضغط؟؟؟

بما ان الاجابه بالعكس

(اكيد) طبعا (لا) مش بشر ..
ومهما عملت ومهما حاولت معتقدش انى فى يوم من الايام هكون من البشر

سؤالى :

بتحب التجريب والتجديد ؟ ولا تخاف ومتعملش غير اللى انت عارفه؟

لا دة انا جبانة جداااا عمرى ما جربت اى حاجة فى حياتى
حتى مرة وانا صغيرة (محبتش) اجرب لما احط صباعى جوة المروحة اية اللى ممكن يحصل
والحمد للة مجراليش اى حااااااااااااااااااااااااااااجة
سؤااال...؟؟؟؟
كنت خانقة وانت صغير ولا كان اى حد يشوفك يحبك؟؟؟

بما ان الاجابه بالعكس

والله مش فاكر بس بيتهيألى انى كنت (خانقه) بس الله واعلم بس هسأل واقولك

سؤالى :

ايه اكتر حاجه تحب تعملها فى حياتك ؟ فى سنك ده ؟ مش فى المستقبل يعنى؟

اكتر حاجة بحب اعملها فى سنى دة انى (اتخانق)زى ما تقول كدة ماشية اخانق دبان وشى اصحى على خناقة وانام على خناقة غير كدة مبرتحش خااااااااااااااااااالص
سؤاااال...
مين اكتر حد نفسك تقعدة قدامك وتهزقة؟؟؟

بما ان الاجابه بالعكس

اكيد يعنى (مش) واحد صحبى (معملش) فيا مقلب طالع من نافوخى

اظن واضح

سؤالى:

ايه آخر موقف خفت فيه جدا من عواقب حاجه عملتها ؟

اخر حاجة كانت ان( محدش) طلب منى حاجة (و منستش) اعملها بس انا (مكنش) لازم اعملها علشان الشخص دة كان هيترتب على اللى (مش هعملة )حاجات تانية
ونظراااا انى منستش اى حاجة اتكسفت اقول انى منستش(ومحاولتش بقى اصلح الموقف بحاجات كتيير)
سؤاااال.....؟؟؟؟؟
اية اكتر حاجة بتكرهها فى المحيط اللى عايش فية؟؟؟

بالنسبه للمحيط العائلى اكون كداب فعلا لو قلت انى بكرهه حاجه ... انا جايز اكون مش راضى عن حجات معينه بس من جوايا حاسس انها صح

اما بالنسبه لمحيط البلد ككل

فبما ان الاجابه بالعكس

طبيعى يعنى انى (بحب) كل حاجه فيها .. لدرجه اما الموضوع بتاعها بيجى مثلا ونتناقش فيه ... بجد بجد لو اى مسئول سمعنى اكيد يعنى (مش) هيقبض عليا
وكل الناس تعد تبص عليا من كتر (حبى) فيها

سؤالى :

انت ليه (بتمووووووووووووووت) فى مصر ؟

مصر هى امى
مشربتش من نيلها
اكتفى بذلك القدر من الحب
سؤاااااال...؟؟؟
لو حصل اختلاف بين اتنين تعرفهم تهدى النفوس ولا تشعللها؟؟؟

بما ان الاجابه بالعكس
(اكيييييييييييييييد) يعنى هشعللها .. وحتى لو معرفهمش والله ..
سؤالى:
هل تعتقد انك انسان تقدر حاليا تعيش لوحدك وتعتمد على نفسك وتتحمل المسئوليه ؟ ولو كنت فى الموقف ده فعلا .. هل تعتقد ان اهلك اتصرفوا صح لما سبوك لوحدك ولا لا؟

لااا محبش انى اعيش لوحدى خااالص وموضوع المسئولية دة مبحبوش بيشغل دماغى وانا مش فاضية عشان افكر فى الهبل دة
اهلى بقة اكيد غلطانين انهم يسبونى اعيش لوحدى امال مين اللى هتخانق معاة كل شوية
سؤاااااال....؟؟؟؟؟

اية اكتر اسلوب حوار بيضايقك؟؟؟

بما ان الاجابه بالعكس

اكيد يعنى (مش) اسلوب الحوار اللى صاحبه بيصر على رأيه ومبيقتنعش بأى آراء تانيه .. كده علطول .. انا اقصد يعنى حتى معندوش استعداد يسمع آراء تانيه مخالفه لرأيه .. وحتى لو سمع .. كده كده هيرفض اى حاجه مش مع رأيه ....

سؤالى :
ايه العاده اللى انت نفسك انها تكون عندك ؟

العادة اللى نفسى اكتسبها بجد النت نفسى اقعد على النت بالساعات واضيع مستقبلى بسسبة وادمنة معرفش انام الا لما اخش علية واصحى من النوم علية
سؤاااااااااااااااال....؟؟؟؟

انت متفائل بالحياة؟؟؟؟

بما ان الاجابه بالعكس

(جدا) ده انا متفائل تفاؤل فظيييييييييييع .. الواحد الحمدلله (واثق) من مستقبله جدا جدا .. والواحد هيفض (وائق) و (مطمن ) و (متفائل) كده علطوووووووووووول .. طول مهه عايش فى البلد الـ (......) دى ....


سؤالى :

انت حاسس بأيه دلوئتى حالا ؟

حاسة بكل خييييييييييييييييييييييييييييييييير مش بفكر فى اى حااااااااااجة خااااااااااااالص
سؤاااااااااااال..؟؟؟
اية شعورك لما تحس ان كل اللى حوليك عارفين حاجة وانت مش عارفها؟؟؟

صراحة انا مش بيهمنى وكل اصحابى بيحسدونى
على عدم اهتمامى بانى اعرف هما بيتكلمو فى اية وعمرى ماماحسيت انى عايزة اعرف
حتى لو موضوع يخصنى
رغم انى عندى حب استطلاع فظيع بس مش فى الحاجتى
شؤالى اية الحاجة الى فى دماغك دلؤقت وعايز تنفذها

بما ان الاجابه بالعكس

هى حاجه عاديه .. انا (مش) عايز اقوم اكلم واحد صحبى بالتلفون عشان اقوله على حاجه مهمه .. بس هو مبيردش .. فنا (مش) عايز اكلمه تانى ....

سؤالى :

مين اكتر واحد بتخاف منه ؟

اكيد ربنا الكل بيخاف منة
اختى الصغيرة بترعبنى تشخط الشخطة اكش على طوووووول

سؤااال؟؟...
حد مرة قالك انك دمك خفيف؟؟؟

بما ان الاجابه بالعكس
فالوحيد اللى (مش) بيقولهالى هو واحد من اعمامى وواحد صاحبى

اظن واضح

بس انا اما الاقى اساسا واحد دمه خفيف بتعدى منه .. وبنعد انا وهو نهيس جامد .. ونخلى القعده كلها تهييس فى تهييس .... ودى بتحصل كتير مع واحد صحبى ....

سؤالى :
كنت بتحلم تبقى ايه من وانت صغير .. يعنى حوالى 6 سنين كده ؟

من يوم ما وعيت على الدنيا وانا مش بحلم انى اكون فى
مجال الاعلام ومكانش نفسى اكون مذيعة اوى وكنت اعد امثل انى مذيعة بس مكنش حد بيتفرج
شؤالى هتعمل اية لو اتصدمت فى شخص انت بتحبة اوى

ولا بتفرق معايا يغوووور الحاجات دى بتكون مشاعر ثانوية مش اساسية...

سؤاااال..؟؟
هل تعتبر نفسك مثقف..؟؟؟

عليكى يا كريزي لازم احراج يعنى
hmmmmmmmm
خلاص ولايهمك و بما ان انتو صحابي والموضوع كله كدب
يبقا...........يبقا..........يبقا......يوووه هقول وخلاص
اه : مثقف اوي اوي اوي كمان مرة
سؤالى:-
انجرحت قبل كده من حد بتحبه اوي؟

اكيد طبعاااا انا محرجة على طول يا رااايق اللى انت متعرفوش بقة


ان كل الناس على طوووول بتحرجنى :

سؤااااال.؟؟؟
كدبة كام مرة النهاردة؟؟؟

بما ان الاجابه بالعكس :

تحبى اقول من بعد الالف ولا من قبلها

سؤالى :


مين اكتر واحد كرهته فى حياتك؟

والله يا جماعه انا لو قلت مين اكتر واحد انا بكرهه اكيد اكيييد حأعتقل (؟؟؟؟؟)
والسؤال هوا
انتا او انتى ايه اخباركم معا ربنا ؟؟؟

بصراحة الواحد بيحاول يعمل الصح بس مقصرة جداااااااااااااااااااااااااااااااااا

وساعات اعمل حاجات غلط وانا عارفة انها غلط بس بردة بعملها

ربنا يعين كل واحد على نفسة

سؤااااال..؟؟؟

هل انت معقد؟؟؟

بيؤلو انى معقدة بس انا علشان عصبية
هما مفكرين كدة لكن انا بكون كويسة اوى مع الشخص المحترم
شؤالى انت بتحس انك مجنون فى مواقف اية

بما ان الاجابه بالعكس

اكيييد يعنى (مش) فى مواقف التهييس اللى بكون فيها مع قرايبى فى المصايف .. لدرجه الرقص فى الشارع الساعه الفجر .. ومسابقه خبط الراس فى العمود .. وحجات من دى كتير

وسعات برده (مش) بحس انى مجنون لما بكون مع ناس معينه من اصحابى

سؤالى :

ايه اكتر مكان بتكرهه فى حياتك ؟؟ ومبطقش حتى تبص عليه ؟

البيت

اعوذ باللة من البيت وما ادراك من البيت

توب علينا يااااااااااارب

سؤااال..؟؟

امتى حسيت انك خاين؟؟؟