تحدث وبلا حرج....

ازيكم يا شباب
انا دائمة الاختلاف مع زمايلى من حيث علاقة الصداقة بين الولد والبنت
فهى مرفوضة بالنسبة لى تماما
بشوف ان هى اهانة للبنت ان هى تتنازل وتقعد مع زميلها قعدات غير لائقة تحت اسم الصحوبية
او انهم يتصلوا ببعض اكتر من 10 مرات فى اليوم تحت اسم الصحوبية
غير انى بعتقد ان الولد اصلا لا يحترم البنت دى ويوم ما يفكر فى الزواج حتى لو صديقتة دى حبها 90% من الشباب يقول ما اتجوزش واحدة كنت ماشى معاها
انا بجد عايزة اسمع من الشباب رأيهم
واية مدى مصداقية الكلام اللى قولتة دة
وياااااااارب الموضوع يعجبكم

والله يا كريزى انا معاكى فى الكلام دا كلة والى يغيظك لو وهو
معاكى وشاف اختة فى نفس الموقف هيخدها يشدها من شعرها
ولما يقابل صحبيتة تانى يوم يؤلها لالالالا دى اختى متعملش كدة
دى بنت ناس ومتربية ولسة هربيها وتؤلو نعم ..... وانا بنت اية........... والمشكلة يقنعك لحد ماتصدقى انة محترم وكويس وانة مش زى الشباب الهايف وياعالم بيتكلم عليكى يؤل اية .... وغير كدة ابل اى كلام الاسلام حرم كل الحاجتى وانا عارفة ومتاكدة ان اى راى مخالف هيكون من ولد بس اتمنى يكون فى ولد صادق ويؤل الحقيقة

انا موش معاكى crazy girl
اقولك الصحبية بين الولد والبنت موش عيب لو مخرجتش فى اطار الادب والاحترام يعنى لو واحد معاكى فى الكلية وهو احتاجلك فى محاضرة ( مع انك موش بتكتبيها) لازم هتساعدية وانتى لما تحتاجية فى نفس الشىء
ولو شفتى فيلم اضحك الصورة تطلع حلوة منى زكى لما وقعت فى المشرحة كريم عبد العزيز الى روحها
وكتير وكتير
المهم الفكرة متبقاش وحشة اوى كدة زى ما فى وحش اكيد فى حلو
الدنيا موش كلها سودة
والى يعيش يامة يشوف وبعدين اقولك حاجة مفيش واحدة واحد يكلمها فى اليوم 9 مرات ويبقى صاحبها
مفيش واحدة من ساعت ما تدخل الكلية لحد ما تخرج لازقلها وتبقى صحبية


والله على ما اقول شهيد

شكرا على رأيك ميجو بس انا عايزة اوضحلك حاجة

اللى انت ذكرتة دة زمالة لكن انا بتكلم على نوع صداقة بطريقة خارجة زى انهم يقعدوا مع بعض قعدات غير لائقة ويحكوا لبعض كل حاجة عن تفاصيل حياتهم
وبعدين انت مستغرب انهم ممكن يكلموا بعض 10 مرات انا اعرف ناس كدة متستغربش
انا بس مش عاوزاكوا تخلطوا الامور انا بتكلم عن النوع الخارج من الصداقة مش العلاقات العادية

معلش يا اخ ميجو مش متفقة معاك لانك اكيد مش هترضى لاختك الكلامتة
حتى لو كانت صداقة برئية ولو عرفت انك الى رايح تخطبها او تتجوزها كانت تعرف ولاد كويسين وكل حاجة هيكون رد فعلك اية..........
ولو اؤلت غير كدة تبقى مش راجل شرقى ولا اية
اصل الشرقين كلهم طبعهم كدا حتى الست لو جيت تخطب لابنها هيكون رايها كدة برضو وانا لو هخطب لاخويا هختار وحدة محترمة شايفاها فى حالها

على فكرة اوعى تكون زعلت منى يا ميجو انا مش اصدى حاجة
غير انى اؤلت وجهة نظرى بطريقة جامدة شوية

هقول راي رغم انه جه متاخر
احنا في بلد ديموقراطي بالذات في المساله دي
اللي عايز يعمل حاجه يعمله
اللي عايز يتكلم مع البنات باسم الصداقه عشان اصحابه يقولو عليه بتاع بنات يتكلم و هو هيلاقى البنت برده اللي عايزه تتكلم مع الولاد باسم الصداقه و مش هيشوفوا انهم بيعملوا حاجه غلط
و اللي بيدور على الحب هيلاقى البنت اللي بتدور عليه و برده مش هيشوفوا انهم بيعملو حاجه غلط
كل واحد يعمل اللي هو عاوزه من غير ما يفكر في كلام الناس

و على راي عادل امام ( عاوز متنجه ياكل مانجه عاوز فراوله ياكل فراوله......)
نرجع لموضوعنا ....... احنا كنا بنتكل في ايه .... أأأأأاه

الحكايه ببساطه ان اول مالشباب و البنات يدخلو الكليه
في منهم بيدور الحب ودول نسبه قليله من الجنسين
و في منهم بيدور على صحوبيه البنات او الاولاد عشان يتقال عليه انه شاب كوووول او متتفتح ودول نسبه كبيره في الاولاد و قليله في البنات
و في اللي في حاله ملوش داعوه باي حد لا بيدور على و لا صداقه او صحوبيه
و في الاخر كل واحد بيلاقي اللي عاوزه والي بيدور عليه

شكرااا فيدو ردك جاااااااااااااامد وجرئ وواضح كمان

اخجلتم تواضعنا بصراحه
شكرا

بصراحة يا كيرى انت وفيدو مش موافقاكم لان لو هتحكم الكلامتة على اساس
اختك هتؤل غير كدة ولا مراتك برضو مش هتحب كدة بدليل ان كل اب
بيزعل لو عرف ان بنتة مصحبة واحد وممكن يزعلها جامد
ولا اية............

اهلا يا جماعه
معلش رأيى جه متأخر شويه
انا مع الطرفين بصراحه بمعنى انى مع كريزى وسبيشيل من حيث وجهه نظرهم فى ان العلاقه بين الولد والبنت مينفعش تتعدى حدود معينه بس مش معنى كده انى معاهم على طول الخط عشان هم بالطريقه دى مانعين العلاقه بين الجنسين تماما بمعنى ان مفيش حتى لا سلام ولا كلام او حتى لو كانو موافقين على زماله مش منطق.. طب يا جماعه بالله عليكو يعنى عمركو مسمعتوا عن اتنين كانو بيحبوا بعض فى الكليه واتجوزوا بعض ولا الكلام ده فى الافلام بس .....

اما بالنسبه لكيرى وفيدو فنا طبعا مع رأى فيدو بس برضه من رأيى ان الحبل ميتسبش على الغارب بين الولد والبنت فى العلاقه مبينهم اين كانت صحوبيه او زماله او حتى حبيبين...

مع احترامى طبعا لكل الآراء اللى اتقالت ....

بالنسبه لـ(نور)
فانا احب اقول اني اختي و بنتي فليا سلطه عليهم و ممكن اوجهم او انصحهم على الاقل اقوهلم راي
انا كان قصدي الناس اللي في الشارع او الكليه فكل و احد حر في اللي بيعمله لاني مليش حكم عليهم