الست زي الطريق الصحراوي .......... و الراجل زي نشره الاخبار

علي مسؤوليتي الخاصة أحب أقول إنه:

الست زي الطريق الصحراوي.. الغلطة عليه بحادثة.

الست زي نادي الزمالك.. جمالها في ضعفها.

الست زي عربية الإسعاف.. لما تفتح السارينة لازم توسع لها.

الست زي شاحن الموبايل.. معظم الوقت مالو لازمه، بس في لحظة بيبقي كل حاجة.

الست زي الكتاب الحلو.. أول ما تخلصه تبقي عايز ترجع تقراه من الأول تاني.

الست زي التليفزيون.. من النادر إنه يعرض الحاجة المناسبة في الوقت المناسب.

الست زي الحكومة.. دايماً محتاج معجزة علشان تعرف تغيرها.

الست زي كتب الفلسفة.. كل ما تيجي تدور علي إجابة تتورط في أسئلة جديدة.

الست زي جهاز الكمبيوتر.. ماحدش يعرف هي بتشتغل إزاي غير اللي عملها.

الفرق بين الست زمان والست دلوقتي.. زي الفرق بين الجنيه زمان والجنيه دلوقتي.

يقولون عن المرأة عندما تتزوج إنها عثرت علي «عدلها» بما يعني أن المرأة تعيش حياتها مقلوبة إلي أن تعثر علي رجل «يعدلها»، ويقولون عن الرجل عندما يتزوج إنه عثر علي «نصف دينه»، بما يعني أن الرجل يعيش حياته - شبه كافر - إلي أن يعثر علي المرأة التي تجعله «يؤمن بالله».

الرجل في العشرين يبحث عن الزواج، في الثلاثين يبحث عن الحب، في الأربعين يبحث عن نفسه، وفي الخمسين يبحث عن منصب، وطوال الوقت يبحث عن الفياجرا.

الرجل زي نشرة الأخبار الجوية، صعب تصدقيها بس بتتفرجي عليها للآخر.

عندما تعجب امرأة برجل ما «بتبدي تتكلم معاه»، ولكن عندما يعجب الرجل بامرأة بيبتدي يسكت معاها.

هههههههههههههههههههههههههههههههههههه
موضوعك حلو بس أنا ممكن أختلف معاك فى حاجات بسيطة......
أنا بالنسبالى
البنت زى الوردة
لو قطفتها صح هتعيش معاك ومش هتموت
لو سقيتها بحبك كل يوم هتكبر معاك وتحبك أكتر
أما لو سيبتها ومرويتهاش بالحب..هتموت منك على طول

والكلام ده رأيى انا الخاص
وشكرا