| لغه الشباب الخاصه ( قاموس لاجدد الكلان الشبابي | |
|
|
ايه رايكوا عجبتكوا و لا لأ ؟ | حلوه | | 0% | [ 0 ] | جامده | | 100% | [ 1 ] | يعني نص نص | | 0% | [ 0 ] | بضان | | 0% | [ 0 ] |
| مجموع عدد الأصوات : 1 | | التصويت مغلق |
|
كاتب الموضوع | رسالة |
---|
fido-dido
عدد الرسائل : 100 العمر : 34 تاريخ التسجيل : 08/04/2008
| موضوع: لغه الشباب الخاصه ( قاموس لاجدد الكلان الشبابي السبت أبريل 19, 2008 12:36 pm | |
| ]يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو حتة (( شامبو )) يعنى ريحتها حلوة ومستحمية ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه )) ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!! ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة )).... وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى )) وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ... ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) .... وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( تس تس )) يعنى رزل وممل ... (( شامورتى )) يعنى خنييق .. (( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!! ولو الولد تعبان فى المذاكرة يعنى (( جايب جاز والشراب هوى ومتخرتق )) !!! وأكثر مصطلحات متداولة هذة الايام (( العب باشكا )) يعنى العب على المكشوف !! (( حطيت إيدى على البلف )) يعنى فهمت الموضوع !!! (( أدعك الفانوس دلوقتى )) يعنى ممكن تمشى وترحل !!! (( أرحلك )) أخرجك من الشلة !! (( الجوند )) فلوس !! (( مكيش القفف )) معاه فلوس كتير !! (( يا صباح المظلات )) للمتقدمين للكليات العسكرية !! (( فهمـى )) يعنى نفض وكبر الجمجمة !!! (( أحلق )) طنش !!! (( انت حتزاولنى )) انت حتشتغلنى !!! (( مهييس )) عامل دماغ وطاير قووى !!! (( يا صباح اللى بتغنى )) صباح الخير !! (( يا مساء الليل )) يعنى يا مساء الخير !!! (( فوكك )) سيبك من الموضوع دة !!! (( أراك أمس )) يعنى مش عايز اشوفك تانى !!! (( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!! (( كل معرفتى بيه .. هاى باى )) يعنى مش صاحبى قوى !!! (( شوليطى . موليطى )) يعنى مش معايا فلووس .. مفلس !! ومن مصطلحات الاغانى المنتشرة بكثرة هذة الايام الاتى : (( انا رايح ألعب مع روبى )) يعنى انا رايح الجيم !!! (( تعالوا نحصل ماريا )) تعالوا نلعب شوية !! (( انت بتقلد روبى ؟ )) يعنى بتخبى وبتدارى !! (( أنت كدة تعجب بوسى سمير )) يعنى انت حطيت النقط على الحرووف !! على الله نعجب بس دى كل اللغات السرية للشباب
تحياتي[/ | |
|
| |
اهل النور
عدد الرسائل : 292 تاريخ التسجيل : 09/04/2008
| موضوع: رد: لغه الشباب الخاصه ( قاموس لاجدد الكلان الشبابي السبت أبريل 19, 2008 3:21 pm | |
| اشمعنى البنات معندهاش اللغة الجميلة دى | |
|
| |
crazy girl
عدد الرسائل : 459 العمر : 34 تاريخ التسجيل : 08/04/2008
| موضوع: رد: لغه الشباب الخاصه ( قاموس لاجدد الكلان الشبابي السبت أبريل 19, 2008 4:49 pm | |
| تصدق يا فيدو انت وضحتلى كلام كنت بسمعة بس مش فهماة مشكووووووووووووووووو على الموضوع بجد | |
|
| |
kirisweets
عدد الرسائل : 585 العمر : 33 الموقع : هتلاقينى فى جنب البسمة تاريخ التسجيل : 08/04/2008
| موضوع: رد: لغه الشباب الخاصه ( قاموس لاجدد الكلان الشبابي الأحد أبريل 20, 2008 2:19 am | |
| كويس والله يا فيدو دى ثقافة منك وشقاوة...... بس ممكن بقى تقولى بعد لما فضحت سرنا وسر كل الأولاد هنعاكسهم تانى إزاى أنت كده هتخلينا نضطر نعمل كلمات جديدة ونتفق تانى عليها......... منك لله يا عم فيدو | |
|
| |
fido-dido
عدد الرسائل : 100 العمر : 34 تاريخ التسجيل : 08/04/2008
| موضوع: رد: لغه الشباب الخاصه ( قاموس لاجدد الكلان الشبابي الأحد أبريل 20, 2008 8:41 am | |
| مين قال ان البنات معندهمش اللغه دي ده عندهم دي و اكتر
اما بالنسبه ليك يا silent cry فمتخفش لان شعبنا و الحمد لله فنان في الحاجات دي و هنشوف حاجات تانيه كتير | |
|
| |
اهل النور
عدد الرسائل : 292 تاريخ التسجيل : 09/04/2008
| موضوع: رد: لغه الشباب الخاصه ( قاموس لاجدد الكلان الشبابي الأحد أبريل 20, 2008 9:50 am | |
| لا فعلا البنات معندهمش بدليل انى معرفش هو انا مش من البنات ولا اية واصحابى دول مش بنات مسمعتش كلام او مصطلحات غريبة بس طالما فية لازم تؤلى عليها علشان نتثقف شوية ميرسى يا فيدو مقدما | |
|
| |
fido-dido
عدد الرسائل : 100 العمر : 34 تاريخ التسجيل : 08/04/2008
| موضوع: رد: لغه الشباب الخاصه ( قاموس لاجدد الكلان الشبابي الأحد أبريل 20, 2008 11:57 am | |
| انا معرفش الكلام بالظبط بس اوعدك اول ما اعرف هؤلك و بعدين مش كفايه ان محدش فاهمك عايزين تخلوها طلاسم ولا ايه thnx | |
|
| |
اهل النور
عدد الرسائل : 292 تاريخ التسجيل : 09/04/2008
| موضوع: رد: لغه الشباب الخاصه ( قاموس لاجدد الكلان الشبابي الأحد أبريل 20, 2008 1:19 pm | |
| معلش يا اخ فيدو مش فاهمة اخر كلام من كلامك | |
|
| |
fido-dido
عدد الرسائل : 100 العمر : 34 تاريخ التسجيل : 08/04/2008
| موضوع: رد: لغه الشباب الخاصه ( قاموس لاجدد الكلان الشبابي الإثنين أبريل 21, 2008 12:52 am | |
| انا قصدي محدش فاهم البنات عموما | |
|
| |
اهل النور
عدد الرسائل : 292 تاريخ التسجيل : 09/04/2008
| موضوع: رد: لغه الشباب الخاصه ( قاموس لاجدد الكلان الشبابي الإثنين أبريل 21, 2008 10:43 am | |
| اة والله ليك حق دانا منهم ولا اعرف حاجة عنهم | |
|
| |
| لغه الشباب الخاصه ( قاموس لاجدد الكلان الشبابي | |
|