***((( جهاد فى القلب )))***

النهاردة يا جماعة أو بالأصح يا أصحابى أنا عايز أحكيلكم حاجة أو هى برده بالأصح قصة فيها مشكلة.........
بصراحة الموضوع ده عن واحد صاحبى أنتيمى أوى. عايز بس أحكى مع حد و أحس إنه مش لوحده اللى بيفكر فى المشكلة دى
دلوقتى :
هو فى كلية وعنده صديقة والله كويسة جدا ومحترمة جدا وكل حاجة....
وهو شايف إنها أخلاقها ممتازة...وتعاملاتها تدل على بيتها وعلى مكنونها الداخلى...
هو بصراحة معجب بيها وحاسس بإعجاب من نوع خاص (سو سبيشيال) تجاهها
يعنى هو حاسس إنها مختلفة.........
طبعا فى كتير دلوقتى بيتسائل فين المشكلة :
أنا بقا ممكن أرد عليه وأقول إنه مفيش مشكلة بس للأسف لو دورنا فى أصل الموضوع هنلاقى إن فى وهى ::::::

إن صاحبى ده وهو أقرب ليا من نفسى وبحكيله كل حاجة...نفسه يصارح صاحبته دى إنه معجب بيها وبيحبها وكل لما بيشوفها تقدروا تقولوا كده إنه بيبقى متلخبط وحاسس إنه شاف قمر قدامه بره الجمال هو بيتكلم على مستوى الوصف يعنى....ووالله كتشبيه كل واحد ليه نظرة معينة....زى ما قولت هو عايز يقولها إنه معجب وفعلا كده.بس هو بقا مش عارف يقول ولا لأ ..
سؤال وجيه ليه متردد ؟؟؟؟!!!
لأنه خايف أحسن هيا تكون مش حاسه مثلا مش مدية إهتمام مش واخدة بالها أساسا منه...يعنى شئ من هذا القبيل....
وبرده علشان لو هو صارحها وطلع فعلا كده إنها زى ما بيقول ....هو مش عايز يخسرها كأصحاب وزمايل لأنها فعلا من الناس اللى لا تتعوض...
هتقولولى طيب وهو لحأ يعرفها علشان ينجذب ليها ويحدد إنها من الناس القليلين فى الكلية مثلا...كأخلاق و سمعة وخلافة....
مش هقولكم غير إن الجواب بيبان من عنوانه..
وبعدين كان فى مرة عن قريب يعنى مش من بعيد...بس مش فاكر مين
كان فى حد بيسأل إذا كان باين فى حد يؤمن مثلا بالنظرة الأولى وهكذا...
وأنا كان ردى إنه آه...وأنا قولت إنى واحد منهم.... فأنا مقتنع بده جدا.....
ممكن أكون متوافق معاه جدا جدا فى الرأى يعنى هو كمان رأيه زى رأيى تماما....وعلى فكرة أنا روحت معاه الكلية بما إننا أصحاب فهو طلب منى آجى معاه الكلية علشان يورينى البنوتة الجميلة اللى وقعت قلبه وهزته بعد الجرح الكبير اللى كان فى قلبه...واللى بمثابة الروح الجديدة اللى ربنا بعتهاله.....

عارفين لما هى بتضحك قدامه بيبقى قلبه بيضحك من جوه....بس على فكرة بقا هو لحد دلوقتى مش مبين أوى أوى أوى يعنى إنه مهتم بيها وإنه يعنى فى حاجة أو حبة حاجات بمعنى أصح برده علشان مينجرحش تانى ويرجع تانى يعانى....
لأنه مش شايف منها حاجة تخليه يتكلم أو يتحرك تجاهها ويفاتحها فى موضوع زى ده....عمره ما كان إنسان متردد بس الحاجة الوحيدة اللى هو متردد فيها أوى كده وبيفكر 48 ساعة فى 24 ساعة إنه حاسس إحساسا جميل ناحيتها سواء شايفها ولا لأ سواء معاه سواء لأ
((سواء حاسه بيه أو......))

وهو علشان مش عارف يعمل إيه فوجد إنه لحد لما يوصل لحل هيصبر نفسه شوية فحب إنه يعبر شوية عن مشاعره و يخرج اللى جواه ويتكلم بلغة القلم علشان كده كتب الكلام الجامد ده واللى أنا فعلا حاسه لأنى بكتب أنا كمان وعارف إمتا الكلام ده يكون من القلب وإمتا يكون من الهوا...

أقرأوا كده معايا الكلام الجميل ده وقوليلى رأيكم فيه:

وعلى وديان الهوى
بات قلبى فى العلا
أيا قلبى لماذا أحببتها !!
صديقى حقا إنها الدوا
لمن أشتكى وأنتى الحبيبة !!
لمن أشتكى يا كل الهوى
ملاك نور على قلبى مرفرف
فهلا حبيبى مليكى بالهنا
بكى الظلمة نور ساطع
وأنتى بقلبى نجم بالسما
بدر بالسما تلألأت أنواره
أضاء قلبى وأسعدنى بالدنا
ماسة لا يقدر ثمنها
والله بل أنتى كل المنى
قلب خافق ملتهب المشاعر
لكى يهفو هاملا الدمى
محبوبتى بكى الفؤاد معلق
وبدونك كتب له الفنا
حب وشوق لكى دائما
وأسمك ترنيم ميال للغنا
جهاد القلب حقا. أى جهاد
جهاد تعاظم فى نفوس العباد
كلما هب القلب من مرقده
كلما عجز وساد بين جوانبه السهاد
جهاد متى قابلته النفس الضالة
ثارت الأشواق فى باطن الفؤاد
حين يتهامس أما قلبى ضاحكاً
فإنى لأرانى تائها بالبلاد
قلبى بالليل بحبكى مفكر
وبسنا النهار يطلب المنى
للجهاد مانعا روحه
أما لكى فباذلها بالهنا
هيا قلبى فقد لاح الهدى
هيا قلبى..هيا نلبى الندا
دوام أمام عينى
ولكن يزداد شوقى بالدجى
ليتنا بالحب نرتقى
دوما ويتقبل الله الرجا
ألقاكى دائما والحب يغمرنى
والعشق بقبلى بعيد المدى
والدموع تسرى على وجنتى
ومن أعماق قلبى يزداد الهوى
حبيبتى لا تتركينى لأننى
دونك ضائع فى الفرى
مسلوب حقه تائه
ساعات ويختاره الردى
بكى أحيا ودونك أموت
حبيبتى لا تتركينى فى البكا
عودى إلى لا وعود
فقد آلمت الورى
أحبك أحبك أحبك
يا من صرتى نجم بالسما
علياء غازلتها الليالى
وبعيون الفجر
باتت فى الهنا
يا نور أضاء نفسى
وبات يملأها بالهدى
برمش العين صار مسكنه
ومن القلب دنا ودنا
صار بقلبى يعتليه مكانة
ومنه زال كل العدا
جميلة يا من ملكت النفس
حقى منى تستحقى الفدا
لكى حبى يا ملكتى دوما
ليتنى منك أنول الرضا
--------------------------------------------

دى يا أصحابى كلمات كتبها وهو جليس القمر يطالعه على أسراره ويحكى له همومه
...............
عارفين حتى لو الموضوع ده مكملش فى أسوء الظروف وإنهم أستنوا أصحاب بس....هو مش هيكون ندمان إنه فعلا عرف حد بالمواصفات دى
بس هو يتمنى جدا إنه يكمل

----------------------------
وفى الآخر ده طلب منى أنا عايز رأيكم فى الكلام بتاعه ده ......
وأتمنى من كل حد يقرأ الموضوع يحاول يحسه ويعيشه بس لمجرد اللحظات
وكمان طلب أخير عايز من كل واحد يكتبلى أى جزء عجبه وأثر فيه جدا من القصقوصة دى......
وأرجو من كل واحد منكم يتمنى لصحبى أنتيمى و ليا ولكل واحد فى السايت ولكل واحد فى العالم الحب ومشاعره وكلامه الجميل

وشكرا جدا جدا لحسن إستماعكم

على فكرة يا أخت ( أهل النور )
كلامك فيه سخرية وإستهزاء لأبعد الحدود وأعتقد إن أى حد يشوفه يبقى معلش إنسان غير طبيعى لو قال غير كده وبما إن أنا فى سلطتى إنى أحذف الرد بتاعك ده أساسا رغم كده أنا مش هحذفه علشان أفكر سياتك وكل لما تخشى القسم ده تانى بالإهانه الجميلة دى واللى بتكرر على الفاضى والمليان (( سكتناله.... ))
معتقدش إن من الصعب إنى أرد على حضرتك بس ذوقى وإحترامى واللى أتعلمته فى بيتى يدل دلاله واضحة على إنى مقدرش أقول كلمة تجريح واحدة بس من اللى سياتك بتقوليها.....


وبعدين إختبارات إيه اللى بتقولى عليها أنا مجبتش سيرة أى إختبار ولمين وأساسا ليه هو صاحبنا شاف حاجة من صاحبته علشان يفكر أساسا إنه يختبرها
ده حايللا (معجب) ......... وبعدين لو حاضرتك مش عارفة تحبى أو تتحبى ده مش ذنبنا ولا ذنبى.....
لكن مش معنى كده إن حب العيال اللى فخامتك بتقولى عليه يموت حتى لو كان من طرف واحد
يا ريت بس أكون وضحت لعظمتك وجهة نظرى.......

أنا مش هتكلم فى الموضوع أكتر من كده علشان مديلوش أكبر من حجمه.

بس حبيت أعرفك إنك غلطانه وإن أنا زعلان

وممنوع التلميحات لأن ده حاجات بينا