واحد سألني.. عايز تموت إزاي ؟
عاوز تموت شهيد؟
ياتركب طياره - ياتركب عباره
عاوز تموت م الجوع؟
ياتشترى شقه - ياتشترى عربيه بالقسط
عاوز تموت م الحسره؟
ياتتفرج ع الفاترينات فى ستى ستارز ـ يا تروح زياره لمارينا
عاوز تموت م الغيظ؟
ياتتفرج ع القنوات المحليه - يا تتفرج ع النشره الجويه
عاوز تموت م الزهق؟
ياتستنى الأشاره لما تفتح - يا تستنى دورك فى الطابور فى التأمين الصحى
عاوز تموت م الهبل؟
يا تخش ع النت - ياتسمع نجوم الأف ام
عاوز تموت مخنوق؟
ياتروح مصلحه حكوميه - ياتقرا الجريده اليوميه
عاوز تموت مفروووس؟
عاوز تموت مرعوووووب؟
ياتستنى نتيجه الثانويه العامه - يا تستنى نتيجه التحاليل عند الدكتور
عاوز تموت مشهور؟
ياتتجوز رقاصه - ياتنصب على بنك
عاوز تموت مليونير؟
ياتعمل فيديو كليب - ياتلعب كوره
عاوز تموت ورا الشمس؟
ياتشغل مخك - ياتفتح بؤك
عاوز تموت منكاد؟
ياترشح نفسك فى الأنتخابات - ياتخشفى اتفاقيه الجات
عاوز تموت م الحزن؟
ياتفكر دايما ف أحوالك - ياتحط الحكومه فى بالك
عاوز تموت م الضحك؟
ياتتجوز أتنين - ياتشتغل مع المجانين
عاوز تموت ف حالك؟
أعمل نفسك دايما .... مش واخد بالك
الخميس أبريل 24, 2008 3:52 pm
