مشاكل...مشاكل...مشاكل

صباح الخييييييييييييييييير

عاملين ايه ؟

الموضوع ده كان ف دماغى من زمان ... عباره عن ايه بقى ؟

اى حد عندو اى مشكله يكتبها هنا ... واحنا بإذن الله هنحلهالو .. لو قدرنا طبعن .. مش احنا اصحاب برده

معرفش انا حاسس ان الموضوع مش هيعحبكو..او حتى لو عجبكو انتو ممكن مش تقولو على مشاكلكو

نهايتو...انا حعمل اللى عليا وأبدا اتكلم انا


انا عندى مشكله
طبعن انا مرمى ف تجاره انجلش (طنطا) لسه يادوب ف فرقه أولى
المهم
انا مش فاهم اى حاجه ف المحاسبه وخايف لأطلع بيها السنه الجايه
هيبقى شكلى وحش اوى
ولو اى حد عايز حاجه ف الرياضه او الاقتصاد يبقى يقول

ردو بقى .. مفيش وقت الامتحانات قربت وانا لا افقه شيئا ف المحاسبه

اولاااا موضوعك جمييييييل جداااااااا شيتوس
وانا مبسوطة انى اكون اول اللى يردوا عليك
بالنسبة لمشكلتك
ممكن اسألك انت بتاخد كورس فى المادة
نصيحتى ليك لو مش بتاخد ابدأ
ولو بتاخد ومكنتنش بتذاكر قول للدكتور اللى انت عندة وشوفة هيقولك تعمل اية لان مواد المحاسبة تقيلة الترم دة

وان شاء اللة تقفلها وتجيب امتياز كمان

انا مشكلتى بقة انى حاسة ان فى اتنين اصحابى مخبييين علية حاجات كتيييير وبيتهامسوا كتير قدامى
انا مش معترضة انهم يكون بينهم اسرار بس ميحسسونيش بكدة
ومش عارفة اقولهم ولا اكبر دماغى منهم
ولا اغير معاملتى معاهم لحد ما يحسوا باللى بيعملوة وبعدين اقول......افيدونى بقة

يا كريز انا اؤلتلك ابل كدة هما ميستهلوش انك
تكونى صحبتهم او زميلة حتى
لانك احسن منهم بكتير وعلى فكرة الى هما بيعملوة دا محرم فى الاسلام
وهما لو عندهم مشاعر مكانوش يعملو كدة
وغير كدة انا مش كفاية ولا اية ومش عايزاكى تزعلى على حد ميستهلش

اه
ومالو
رغم انك مش مبينه حاجات كتير ف المشكله بتاعتك يا كريزى
بس قوللهم على طول اللى حاسه بيه
وربنا يقدم اللى فيه الخير

وانا بالنسبه لمشكلتى فانا بدأت
مش بدأت ازاكرها طبعن
بدأت أدور على حد يشرحلى محاسبه
ويارب ألاقيه

كلامك كله حلو يا شيتوس وأنا معاك فى كل حاجة

اها
طيب
وبعدين بقى
يعنى عايزين تفهمونى انك انتو مش عندكو مشاكل
ياسلام..ياسلام
حد بقى يقول على مشاكلو أحسن أزعل
وانا لو زعلت بقى هطيح فيكو كلكو وربنا

انا مش بنهزر
انا مش عامل الموضوع ده لمشاكلى بس

طبعن الكلام ده ليكو كلكو عدا كريزى على اساس يعنى انها قالت على مشكلتها
بس لو سكتت على كده هتبقى منكو بردو

اما نشوف بقى كلامى أثر فيكو ولا انتو عايزينى ازعل ولا ايه بالضبط

بصراحه ياشيتوس انا عندى مشكله وهى انى بحب واحده بجد ومش عارف اقولها ولا لا لانى لحد دلوقتى معرفتهاش . يا ريت يا جماعه حد يقولى اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تقولها ايه بس

لازم تلمحلها الاول..ازااااااااى...بصلها لو ابتسمت يبقى فيه أمل

لو بتديك وش .. فكك منها وحبها ف سرك وخلاص

ولو حسيت ان فيه أمل
يبقى ضحكت يعنى قلبها مال..وخلاص الفرق م بينكو اتشال
وروح قلها ممكن كلمه لو سمحتى
هيه هتوافق على طول ( هترغى انت بقى وتقلها انك معجب بس اوعى تحسسها انك مدلوق عليها)
اصل البنات دول عندهم خصله ... اعوذ بالله .. اول م هتحس انك ملهوف عليها هتقلبك وقتى
والموضوع هيتفركش

وطبعن لو مش رضيت تتكلم معاك ف الاول واحرجتك وقالتلك انت مين اصلن عشان تتكلم معايا..كأنها اتكلمت معاك بالضبط وبتقولك عايز تتكلم معايا ف ايه وبردو هترغى معاها ف الكلام واتكلم عادى من غير احراج خالص (دى خصله تانيه ف البنات عندنا)

اما بقى لو قالتلك لا قولها اوكى وسبها وامشى
واول م تشوفها تانى ف اليوم اللى بعديه اوعى تكلمها خالص اعمل نفسك انك مش واخد بالك خالص وعدى اسبوع اسبوعين وابقى كلمها تانى
هتقولها نفس الكلام(ممكن كلمه لو سمحتى)
اوعى تيأس لما تقولك لا
حاول كمان مرة(هما 3 مرات بس)
بعد كده انت من نفسك هتحس ان عندك كرامة والمفروض تحافظ عليها ومش هتكلمها تانى

ملحوظه:بلاش تقلها انك بتحبها من اول مرة
ولو ناوى تجرحها بعد كده يبقى بلاش الموضوع احسن لا تكلمها ولا غيرو
واياك وشك يحمر وانت بتكلمها(هتاخد ف نفسها قلم وتفكر نفسها ملاك)_وهتاخدفكره انك راجل خجول وهما مش بيحبو النوع ده م الرجاله

يارب أكون أفدتك
وربنا يوفقك

وياجماعه اى حد عندو اى حل تانى غير اللى انا قلتو يقوووووووول ومش يتكسف
ده نايت ده اخونا
كلنا اسرة مع بعضينا يعنى

واللى فيه الخير ربنا يقدمو

thx

ha ya chetos 2olt eah ? ok ya ?? thx bardo 3la kol 7aga

طب والاخ نايت

مش ناوى يرد ولا ايه

وانا مش فاهم حاجه منك يا بريتى

thx

bb

بريتى عيزاك ترد ع الموضوع بتاعها بتاع اسامه منير

صح .. ولا ايه ؟

واقرا يا شيتوس الرد بتاع بريتى فى اسامه منير عشان تفهم كلامها

اية دا يا عم شيتوس طبعا كلامك دا مش منطقى
اية ممكن كلمة دى ؟ وبعدين اية خصلة فى البنات
على فكرة البنات مش زى بعض والى مفكر كدة هيشتم كتير
وبالنسبة ليك يانايت اعتقد انو بيابن لو هى معجبة بيك
يعنى هتحس سواء بانها معجبة ولا لا
وبراحة شوية على خصل البنات ياعم شيتوس

بصراحه انا رأيى مع رأى ستار

بس كنت متردد اقوله لحد يزعل ولا حاجه

فمتزعلش يا شيتوس

يا أصحابى أنا معاكم لو حلو فهو حلو ولو وحش فهو وحش

بس أنا برد بس المرة دى بس علشان أقول لشاينى ستار
إن الإسم ده حلو أوى أوى
علشان بيفكرنى بإسم إيميل عزيز عليا أوى
فأنا بحب الإسم ده أوى يا ستار

لا بقى
البنات عندهم صفات زي الزفت
وتقريبن كده كلهم
وبعدين ده مش موضوعنا
احنا بنحل للراجل مشكلتو
انتو هتسيبو المشكله وهتمسكو ف خناقى

لالالالا

برده يا شيتوس لازم حبه من الذوق اللى إحنا طبعا معروفين بيه


بس برده ده ميمنعش إن فيهم حاجات مش كويسة أوى
هه

أصلى لسه مجرب

طازة يعنى

لا لا يا شيوس بلاش تقفش فيهم كده وعلي فكرة مش كل البنات كده وسوسة يعني
سوري يا جماعة علي كلام شيوتس ولو في واحدة عندها الصفات يا ريت تتعدل
علي فكرة انا ام اختلط ببنات كتير عشان اعرف الصفات بس برده كان لازم بالراحة شوية

على فكرة بقى وبدون زعل الرجالة هما الى عندهم صفات وحشة
وقليل الى ممكن تشوفة يكون راجل كويس
مين الى بيخون ومين الى بيضحك على بنات الناس ومين بعد مايتجوز
يروح يتجوز عليها بعد ما ضايعت عمرها كلة علشانة
وفى مثل كدة الرااااااااااااجل زى................مش هكمل احتراما للناس الكويسة الى معانا
وعيب عليك انت وهو لان البنات فيهم اخواتك والامهات والى ان شاء الله كدة هتتجوزوهم وبناتك كمان
والى عندو رايى تانى يخلية لنفسو

يا جماعه مش كده
براحه شويه احنا بندى آراء بس
مش جايين نتخانق
اهدوا شويه .. وخدو الموضوع بهدوء
عشان متحصلش ( مشاكل.... مشاكل .... مشاكل)
ولا انتو شايفين ايه ؟

أنا قلت رأيى قبل كده........رأيكم أنتوا بقا إيه فى رأيى

انتى بالذات اللى تحتفظى برأيك لنفسك

عشان انتى بتقوليه بطريقة مش لطيفة خالص

ماعلينا
عايز اشكر كل الناس اللى شاركت ف الموضوع

واللى عندو مشكلة تانيه يقول عليها

وانا بستأزنكو عشان الامتحانات
مش هيبقى ليا مشاركات اد كده

kk ya chitous
بليز يا جماعة خلاص عادي اعتبروا ان مفيش حاجة حصلت وفضكوا سيرة بقا
واختلاف الراي لا يفسد بين الود قضية ^^
اعتبوا ان مفيش حاجة حصلت وكفاية ويا ريت اللي عنده مشكلة يقولها
thnx all

على فكرة انت الى بدات
بلغلط وبعد كدة تحافظ على كلامك اصل انا مش بسكت
اوعى تفكر انى هسكتلك لما تطول فى كلامك
وياريت ميحصلش بنا ردود تانى

يا جماعه مش كده .. براحه شويه

انتو جايين تتخانقوا هنا ولا ايه

معتقدش ان شيتوس كان يقصد حاجه يا شاينى هو بس كان بيقول وجهه نظره

وبرده يا شيتوس معتقدش ان شاينى كان قصدها حاجه

اهدو يا جماعه وخلو الموضوع يعدى على خييييييييير