البنت ولا الولد

بعض التدقيق والتدوير والتنقيب

اثبتت التحريات ان البنت احسن من الولد والاسباب :

- تتكلم براحتها في التليفون وابوها او جوزها اللي هيدفع الفاتوره

-البنت مش ملزمه تجهز نفسها ابوها او خطيبها اللي هيدفعو دم قلبهم

-مفيش حد بيبص علي بدله العريس كله بيركز في فستان العروسه

-لو واحده عملت مخالفه مرور تعيط شويه للظابط وهو يعديها لو راجل هياخد علي دماغه

-البنت مش ملزمه تدفع ضرايب ابوها او جوزها بيدفعوها

-لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل

-لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس

-لو حصل زعل بين البنت وباباها مش هيطردها بره البيت بس هي يدوب تدخل الاوده وتعيط شويه وبابا يروح يصالحها
أما الولد
فيدوب يلحق مكان ينام فيه جنب البواب

دلع البنات :

ياختي قميله (سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)

دلع الأولاد:

انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)

هههههههههههههههههههه

كلام جميل

شكلك عايزه تاخدى على دماغك

يارب الولاد يسامحوكى

بس أنا من رأيي ان الكلام كلو سليم

وبس خلاص

ماشى يا نور
هو موضوع جميل اه وكل حاجه
وبرده كلام سليم
بس ان شاء الله هنجمع بعض ونيجى نضربك
وان شاء الله برده حد هيرد عليكى بموضوع ينصرنا شويه
بس بجد موضوع جاااااااااااااااااااامد

ياختي قميله (سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)


لا يانور انا عايزة ارتب دلع البنات شوية
ياختي قميله (سنتين)
يا عسوله (5 سنين)
يا قمر(12سنة)
يا عروسة(18 سنة)
يا ام العيال (40 سنة)
يا هانم(50 سنة)
يا ست الكل(60 سنة)

بس موضووع جاااااااااامد وطحن


وان شاء اللة هبقى جنبك فى المستشفى بعد اما تتطحنى

ههههههههه
موضوع بجد اكتر من رائع وحلو جدا وكلامك سليم وصحيح بجد
متشكرين علي الموضوع الحليوة ده