سؤال واللى بعدك يجاوب

انا هسألك بقة
هل انت اقرب لعائلتك ام اصدقائك

ممكن بس ياريت يكون شخص يستحق حاجة زى دى
سؤالى بقة
هل تشعر انك بحاجة الى طبيب نفسى

من وجهة نظرى الشخص الى بيجرح اكيد انجرح يعنى لما تكون جرحت شخص وانت متعرفوش لازم يكون رد الفعل يكون تجريح برضو وبالذات لو كان مجهول بالنسبة ليك
سؤالى انا من الذى يستحق التضحية عندك وتستعد انك تضحى بكل شىء
علشانة

اكيد امى وابى اكثر من يستحقون التضحية
اجابتى على سؤال البكاء الصامت ودة بعد اذنكم
اكيد مش من حق حد انة يجرح زميل لية حتى ولو كان مجهول بالنسبة لة
بس....ممكن يبقى لية سبب يبقى الاحسن الواحد يفهم السبب الاول
سؤالى.....
متى تشعر بالوحدة وسط اصحابك؟؟؟

بصراحة طول عمرى بحس انى مقصرة يعنى عمرى ماحسيت انى رضيت ربنا على اكمل وجة
بس سعات بحس انى قريبة اوى من ربنا لما بكون زعلانة
وفى حجات مزعلانى اوى اوى بحس ان دا اكتر وقت ممكن ارضى ربنا فية
وسؤالى انا ماهى مشكلتك الحقيقة

المشكلة هى الحيااااااااااااااااااااااااء
السؤال الى بعدى
كلمة بحبك لما جيتنى وقولتهالى
مين الى جاة وقالهالك ؟؟؟؟
وشكرا

عند جرح الشخص المحب بشدة يتظاهر بالكرة لكنة لايقدر على كرة هذا الشخص
لان الى بيحب عمرة مايكرة هو ممكن ينساة لكن ميكرهوش
سؤالى تفضل اية تتجوز وحدة عملت معاها علاقة ابل الجواز ولا تتجوز
وحدة مكنش عندها علاقات اى جواز صالونات

انا مش عارفة ارد على سؤالك لانة موجة للشباب اكتر وياريت شاب يردلنا علية وعلى سؤالى كمان

هل تعترف بالحب من اول نظرة؟؟؟

أنا هرد على العضوين
1 - سبيشيال جيرل

عن نفسى وأنا بقول رأيى بمنتهى الصراحة أنا لو أتعرفت على بنت مثلا...فى الكلية بتاعتى وأعجبنا ببعض.....وحبينا بعض كمان......وفضلنا مع بعض فترة ولنفرض لحد لما إحنا الأتنين خلصنا الكلية ونييجى للمرحلة الأهم إنى جيت بقا طبعا زى أى شاب أفكر فى الزواج.........أول وحدة هفكر إنى أرتبط بيها.....هى اللى قضيت تقريبا كل سنين الكلية معاها..............وعارفها وعارفانى وحاسة بيا إنى بحبها وعارف إنها بتحبنى والدليل إننا فضلنا مع بعض كل ده رغم أكيد المشاكل اللى حصلت بيننا............

وبرده من رأيى ده إن دى هتكون أحسن من جواز الصالونات اللى أنا أساسا مش بعترف بى كجواز ومعرفش مين اللى أنا بتجوزها وهى مين وعملت إيه وسمعتها إيه وحاجات كتيييييييييييييييييييييييييييييييييييييير


بس هو ده رأيى بالنسبة للسؤال

اذا كنت لا احب لا اتمنى ان احب
اما اذا كنت احب فلا اتمنى ان يزول ذلك الشعور لانى استمتع بة
سؤال
هل انت انسان ديمقراطى ام ديكتاتورى مع من حولك؟؟؟

اعتقد ان انا احيانا بكون دكتاتورى لما بشوف نفسى أكبر الموجودين او احسنهم قدره على تقييم الموقف ..... بس غالبا بكون ديموقراطى واحب آخد كل الآراء وتنفيذ الاحسن حتى لو مكنش رأيى....

وسؤالى انا بقى:

امتى تحس انك راضى عن نفسك فى البيت وفى الكليه ومع اصحابك؟

أولا هرد على سؤال العضو الجديد الجامد أوى اللى هو أنجل وأنا بكون راضى عن نفسى فى كل الماكن دى لما أكون الأول راضى ربنا فى كل اللى أنا بعمله.........سواء فى البيت أو الكلية أو أى حتة..........لأن إرضائى لربنا هينعكس منه رضاء أصحابى عنى ورضاى عليهم.......ومسامحتهم..........

معلش عايز أرد كمان بس على السؤالى بتاعى أنا اللى فات وأقول لكريزى جيرل إن هى كده معلش غير مستقرة

يعنى إيه لو مش بتحب يبقى خلاص مش عايزة
ولو كانت بتحب يبقى لازم تحافظ على الحب ده

أنا رأيى الكلام ده غلط 1000000 فى 100

لازم تعيدى تفكير يا كريزى فى الحب وفى كيفية فهمك ليه........
وأرجو منك الأهتمام

ميرسى على رأيك كيرى هتقبلة بكل روح رياضية
اما بالنسبة لصاحبك
ميخدش رأى حد ويعمل استخارة هو ومراتة على الحلول اللى قدامهم
وربنا ان شاء اللة هيهدية للحاجة اللى فيها خير

سؤال؟؟؟؟
ما هى افضل مميزات شخصيتك

معلش يا جماعة انا هرد على كام حاجة
بالنسبة لكريزى جيرل يا كيرى دى وجة نظرها واحنا المفروض نحترم وجهات النظر المختلفة
اما بالنسبة لصحبك احنا منقدرش نؤل حاجة خلية يسال الدكتور ويشوف اكتر حل مناسب ومن رايى الشخصى ان طالما المولود هيطلع مشوة وان كدة كدة هى حالتها صعبة تنزل الجنين احسن لان لو حصلها حاجة وهو نزل مريض مين هياخد بالة منة غير امة وسواء هيعمل اى حاجة خليهم يتوكلو على الله
اما بالنسبة للسؤال كريزى من مميزات شخصيتى ان اكتر حاجة عمرى ماعملها انى اخون حد ومش بعرف انافق حد اما سؤالى انا
ماهى اوحش صفة فيك

اوحش صفه فى ان انا مقتنع انى مش راضى عن نفسى قدام ربنا ومع ذلك مبحولش انى اصلح من نفسى او اقرب من ربنا اكتر وبحاول اقنع نفسى ان انا لسه الحياه قدامى طويله وانى هقرب من ربنا فى المستقبل مع انى عارف برضه ان دى مجرد حجه بقنع فيها نفسى.....

سؤالى هو:

ازاى تعرف تقول لحد قريب منك ان في حجات غلط هو بيعملها انت عارف انها غلط والناس اللى حوليك عارفين انها غلط وانت بتتحرج من نظرات الناس ساعه ميعمل الحجات دى وفى نفس الوقت مش عايز تحرج ولا تجرح الشخص ده ؟؟؟

بص اكبر غلط انك تعالج الغلط بغلط والغلط انك تسكت على حاجة غلط بتحصل وخصوصا انة قريب منك وعلى فكرة لو الشخص دا فعلا قريب منك وبيحبك زى مانت بتحبة هيحب يعمل كل الى يرضيك لكن لو مستجبش لازم يكون ليك موقف
لانة محترمش رغبتك
سؤالى انا اية اكتر حاجة انت بتحب تعملها

أكتر حاجه انا بحب اعملها هى انى اخرج مع صحابى . المكان او هنعمل ايه او ازاى مبتفرقش معايا المهم انى اخرج معاهم نستمتع بوقتنا , نهزر مع بعضنا , بحب اننا نعمل اى حاجه وكل حاجه مدام لا هى حرام ولا عيب ولا بتغضب ربنا....

سؤالى هو:

ايه اكتر مكان تحب انك تكون فيه؟ وليه؟....

اكتر مكان بحب اروحة هو الشلاية بس مش هو بالضبط الاكتر الجنينة بحس
انة مكان صافى كلة ورد وبحس انى اكتر وقت بكون مرتاحة نفسيا فية وناسية اى حاجة مزعلانى ولما بزعل اوى بيكون نفسى اروح وببقى هموت واروح بس محدش بيعبرنى طبعا لاننا فى دراسة
سؤالى انا اية اكتر وقت بتكرهة على مدار اليوم

أكتر وقت بكرهه على مدار اليوم هو وقت رجوعى للبيت سواء من الكليه او من القرصات او اى خروجه...
فى البيت انا مليش غير اخت اكبر منى .... تسليتى الوحيده هى التلفزيون والنت ..
مبحسش انى بعمل حاجه مفيده او مهمه فى البيت .. اما بره البيت فى كليه وقرصات وصحابى .. من الآخر يعنى .. بحس انى فى عالم تانى..
ومش معنى كده انى بكره البيت . بس بستمتع بره اكتر.

سؤالى انا:

انت بقه ايه احسن واحلى وقت تحب تخرج فيه بره البت؟ وليه؟

معتقدش ان الانسان يقدر يستغنى عن الحب لان الحب جوا كل انسان عندة بالفطرة
بس من رايى انا بؤل مش هسيب لنفسى فرصة انى احب
لان اى حب فى سن المراهق بيكون حب اى كلام وانا مش بحب
اعمل حاجة ولا احس بحاجة اندم عليها بعد كدة واحس انى اذنبت فى حق نفسى
سؤالى انا هتعمل اية لو اكتشفت ان مراتك او زوجك بيحب وحدة تانية

بيتهيألى ان الجواب واضح . بالنسبه للراجل لو كان عنده ادنى احترام لنفسه هيطلقها عشان معنى انها بتحب واحد تانى غيره انها مش محترماه وان العيشه معاه مستحيله ولو اصر انه يعيش معاها هيبقى عارف انهم هيعيشوا فى عذاب وخناق وبهدله . وانا مش مقتنع بأنه لازم يخليها على ذمته وميعبرهاش عشان ده حرام ومعتقدش انه يرضى اى حد.

اما بالنسبه للواحده اللى تعرف ان جوزها بيخونها من رأيى انها تصارحه انها عارفه بأنه بيحب واحده غيرها ويحاولوا يتفاهمو مع بعض ويشوفوا هيوصلوا لأى نتيجه لأن الراجل مشروعله انه يجوز اكتر من واحده بس هى هيكون تقريبا موقفها صعب لو جوزها طلع رخم وربنا يكون فى عونها....


سؤالى انا:

ايه اللى انت شايفه احلى حاجه فيك؟ وليه؟

بصراحة مش بشوف ان فيا حاجة حلوة ولا حاجة وحشة
بس ممكن ان بحاول احافظ على مبادىء معينة ومش عايزة
اغيرها
سؤالى انا كام مرة بكيت دموع بجد مش دموع التماسيح يعنى واكيد فى سبب
لو تحب تؤل السبب اؤلو يعنى انا افضل انك تؤلو............

بصراحه هو سبب تافه شويه . غصب عنى ضيعت مره بطاقه ماما ومع انى كنت عارف انها مش هتعملى حاجه بس انا كنت زعلان من نفسى ومرهق وحاسس انى عيل ومش قد المسئوليه . بس الحمدلله لقيتها بعدها بأسبوع ....
انا قلت فى الاول انه سبب تافه ...

سؤالى انا:

امتى آخر مره فرحت فيها بجد وكنت سعيد لدرجه لا توصف؟ ولو عايز تئول السبب قوله لو مش عايز براحتك ....

اخر مرة كنت فرحانة اوى لما دخلت اؤلى ثانوى كنت حسة باحساس غريب
وكنت مبسوطة اوى مش عارفة لية والله من بعدها ماحصل
انى فى حاجة فرحتنى
بس معلش بقى انا معنديش سؤال ممكن حد تانى يسال

بما ان مفيش سؤال اسأل انا:

ايه اكتر موقف اتحرجت فيه فى حياتك؟ ولو مش عايز تجاوب عادى ...

هل أرتكبت من قبل كبيرة من الكبائر ؟؟؟؟
الحمد للة لااا
وهل أنت راض عن نفسك ؟؟؟؟
لا
وهل رأيت مظلوم من قبل ولم تنصره رغم أنك كنت قادر على ذلك ؟؟؟؟
ماتحطتش فى الموقف دة بس لو هقدر اكيد هنصفة
وهل هذا اليوم نمت مرتاح البال ؟؟؟؟
الى حد ما
لو سمحت يا كيرى ممكن تصغر حجم التوقيع لانة بيكبر حجم الصفحة انا مش بقولك غيرة بس صغر الحجم شوية
ممكن

هسألأ سؤال و اسمحولي ارد
ايه احسن نوع عربيه بتحبه و يا ريت ايم الموديل؟؟؟
انا هجاوب و ياريت كلكو تجاوبو
انا بحب
1-ferrari enzo
2-ford mustang GTR
3-nissan GTR
4-hummer H2
5-mitsubishi lancer( evolution 9 WRC)
6-godge charger
7-borche 911
8-mini cooper ss
9-chevrolet lumina ss


معلش يا جماعه طو لت عليكو اصل انا مجنون عربيات

المشكلة ان العربيات دى غالية اوى انت مختار الانواع المستحيلة
ان الواحد يفكر فيها اصل انا كمان متابعة انواع العربيات واسعرها

بما ان مفيش سؤال اسأل انا:

ايه اكتر واحسن واحلى حاجه بتحب عملتها فى حياتك؟

احسن حاجة عملتها فى حياتى انى بحاول انتقى اصحابى علشان كدة الحمدللة كل اصحابى بيدوموا معايا لسنييين طويلة
اما بالنسبة لاسئلتك فيدو فاعذرنى ماليش فى العربيات خالص ولا اهتم بيها
سؤال
انا عارفة ان فى حاجات الواحد مبيحبش يحكيها بس مين الشخص اللى مبتخبيش عنة اى حاجة حتى الحاجات اللى انت مبتحبش تحكيها؟؟؟

بيتهيألى الاجابه تختلف من واحد للتانى....
انا عن نفسى مبخبيش اى حاجه صغيره او كبيره عن ابن خالتى وهو الوحيد اللى بحس انه اكتر من مجرد قريبى....

سؤالى انا:

ايه الحاجه اللى نفسك تعملها ومش قادر؟

الى كان نفسى اعملة اوى ان ادخل اعلام واكون مذيعة محترمة
ومشهورة اوى او اكون مخرجة ومازلت بفكر ان اكمل فى المجال دا بس مش عارفة ازاى
سؤالى اية الشىء الى حسيت انة اتجبر عليك ومكانش ليك الاختيار

بصراحه وبصفه عامه البلد اللى انا عايش فيها الواحد كان نفسه يكون عايش فى امريكا , انجلترا , اى حته غير البلد العجيبه اللى احنا عايشين فيها دى ....

سؤالى انا:

ايه اكتر موقف اتحرجت فيه فى حياتك؟ ولو مش عيز تجاوب عادى ....

اكتر موقف اتحرجت فية فى حياتى
لما مرة كنت ماشية فى الشارع وواحدة من البلكونة بتاعاتها حدفة علية حلة ملوخية حمضانة
الناس كلها قعدة تضحك علية وكان شكلى وحش قوى قوى
سؤال
هل لك صديق سوء؟؟؟

معلش بس سؤال لكريزى . انتى بتكلمى جد فى حكايه (البلكونه) دى ؟
بجد يعنى ربنا معاكى

اما بالنسبه لصديق السوء فالحمدلله معنديش انا اى حد بحس انه مش تمام بحاول اصارحه لو معرفتش ببعد عنه
سؤالى انا:

ايه وامتى احسن شعور حسيته فى حياتك؟ وليه؟ ....

موضوع الملوخية دة حقيقى واللة مش هزار
فى حاجات كتير فرحتنى بس كلها زى بعضها معنديش شعور اجمل من التانى
سؤال......
هل انت تشعر بالغربة رغم كل من حولك

فى الحقيقه لا بس بيتهيألى ده لأنى متربى فى عماره كلها قرايب وعمرى محسيت انى بعيد عن حد فيهم ....
سؤالى انا:
ايه اوحش حاجه عملتها فى حياتك؟ وبرضه لو مش عايز تجاوب عادى ....

صراحة اوحش حاجة عملتها بجد انى حسيت ان خسرت شخص عزيز
عليا كنا اصحاب واخوات والحاجة التانية انى مذكرتش كويس فى الثانوية
علشان كنت عايزة ادخل كلية هى كانت حلم حياتى
سؤالى انا امتى حسيت خسرت شخص مكانش المفروض تخسرة