سؤال واللى بعدك يجاوب

بصراحه والحمدلله عمرها محصلتلى وان شاء الله مش هتحصلى
سؤالى انا:
ايه اخر موقف انت غلط فيه واعترفت بكل صراحه انك غلطان؟

مش فاكرة تقريبا بس اكتر موقف غلط فية ان زعلت امى بس زعلتها جامد
وطبعا من غير كلام معترفة بالخطا
من اكتر شخص مهم بالنسبالك

اكتر شخص مهم بالنسبة لى هما ماما وبابا

ما هو اكثر موقف حسيت فية بالخوف؟؟ظ

كنت فى تالته ابتدائى وعملت فيها راجل وخرجت اشتر حاجه لوحدى طلعلى كلب لولو ابيض صغير قعد يجرى ورايا لغايه مقطع نفسى (منه لله) واتهيألى انه كان عايز يعضنى .. ومن ساعتها وانا عندى عقده من الكلاب ..

سؤالى انا:
ايه آخر مره حسيت فيها انك ضعيف؟

اكتر مرة حسيت انى ضعيفة لما كان فى موقف عائلى ومقدرتش اتكلم
حتى مقتدرش اتكلم لقرب شخص ليا فى العائلة
كان احساس بالضعف وكان احساس وحش اوى
هو اية اكتر احساس انت بتكرهة

الشعور بالذل لا لنفسى ولا لغيرى بزعل اوى لو اتذليت او شفت حد مزلول قدامى ....

سؤالى انا:

عمرك حسيت انك عايش فى اوضه ضلمه؟

ساعات كتير لما بحس ان في حاجه قدامي و مش حاسس بيها


سؤالي

امتي اخر مره قلت فيها لوالدك او والدتك او اي حد من العيله ( انا بحبك )؟؟؟؟

بصراحه كتير قوى ياما بقولها ....
لما اكون عايز فلوس او اى طلب من بابا او ماما ...
بقول (ده انا حتى بحبك يا بابا او ماما على حسب) ....

سؤالى انا:
امتى آخر مره خفت فيها جدا؟

اخر مرة خوفت فيها جدااا
لما الميكروباص عمل بينا حادثة وكان على وشك انة يتقلب فى ارض زراعية او فى الترعة اللى كانوا على جنبى الطريق
ساعتها قعدت اتشاهد على روحى واصوت بس ربنا نجانا الحمد للة
سؤال......
امتى حسيت انك خونت حد سواء قريب او صديق او حتى علاقات عامة؟؟ظ

ايه يا كريزى كل اللى بيحصلك ده مره موقف (الملوخيه) ودلوقتى موقف (المكروباص) يعنى بجد ربنا يكون فى عونك .....

اما بالنسبه للسؤال : فهى مش خيانه بالمعنى الاصلى للكلمه يعنى تقدرى تقولى انها كانت نداله منى . كان واحد صحبى كان عايز منى مره التلفون عشان يتكلم وانا عارف انه رغاى وهيخلص الرصيد وكنت لسه شاحن وصعب عليا الرصيد فقلتله معيش رصيد ... بس هو موقف تافه بس هو اللى حصل معايا....
انما خيانه جامده يعنى فالحمدلله محصلش ....

سؤالى انا :


امتى آخر مره حسيت فيها انك طاير من الفرحه؟

ليه بس يا كيرى الكئابه دى ... فكها شويه ...

وبما ان كيرى نسى يسيب سؤال اسأل انا:

لو انت رئيس او رئيسه جمهوريه هتعمل ايه؟

اول حاجة هحاول احققها الرخاء الاقتصادى واعمل جيش قوى جداااا
وهحاول بأقصى جهدى اوفر حقوق الانسا ن لاى انسان واشرع قوانين

تضمن حقوق كل الناااااااااس واحفظ كرامة كل الشعب برة وجوة
بتحب كليتك او نوع دراستك ولا مضطر زى كل الشعب؟؟؟

فى الاول كنت مضطر بس بعد كده وبعد مشفت نظام الدراسه وكده لسه مضطر برضه بس الواحد كان نفسه فى اعلام احسن بس ارجع واقول كل اللى يجيبه ربنا كويس ...


سؤاالى انا:


نفسك تعمل ايه دلوئتى حالا؟ ....

اؤل بصراحة نفسى اكلم عمو اؤلو انا اسفة
اصل مزعلاة ومكسوفة اتصل
سؤالى انا كان نفسك تعمل اية بجد معملتوش فى حياتك يعنى؟؟

كان نفسى ومنا عينى من ونا فى 5 ابتدائى انى اكون طيار مدنى بس عرفت ان مصاريف الكليه نص مليون و 25 الف فى السنه لمده سنتين وبعدين طبعا طنشت الموضوع ده خالص ومن تانيه ثانوى كنت حاطط امل فى اعلام بس محصلش نصيب ....
(قصه ممله .. مش كده)


سؤالى انا:
ايه الهدف اللى انت حاطه حاليا قدامك ومتوقع انك توصله؟

الهدف الى اؤدامى دلؤقت انى اتعلم لغتين وان ممكن اسافر
قريب دا الى انا متوقعة ان احققة ان شاء الله
سؤالى انا هو اية حلمك دلؤقت والى انت نفسك تحققة

انا حلمى انى اسافر بلد مش عربيه وبصراحه نفسى فى امريكا انا الانجليزى بتاعى كويس بس معتقدش انى هقدر استوعب لغه غيره .. نفسى اسافر امشى اهج من البلد الغريبه اللى احنا فيها دى ...

سؤالى انا:
ايه اكتر مكان نفسك تروحه فى حياتك؟؟

اكتر مكان نفسى اروحة حاليااا ووحشنى قوى
هو الحرم المكى على الرغم انى روحت كذا مرة واخر مرة كانت السنة اللى فاتت
بس بجد حاسة انى محتاجة ازور المكان الجميل دة تانى
سؤاااااااااااال؟؟؟؟
اية الحاجة الوحيدة اللى تخليك تقطع علاقتك بطريقة مفاجئة بصديق ليك؟؟؟

صراحة الخيانة مش بحب حد يخونى
ولا انا اخون حد والحاجة الى عمرى
مغفرلها ابداااااااااااااا ولا انساهااا
شؤالى مبسوط انك شوفت مين النهاردة

مفيش حد قوى النهاردة
بس مبسوطة انة شوفت صاحبتى الانتيم امبارح
سؤال...........
اعترف انت من النوع القلوق الممل اللى بيقلق الى حولية ولا بتعرف تتمالك نفسك

مش عارفة بس احكمى انتى هو انا كنت مملة النهاردة
علشان قلقانة....
بس انا ببقى كدة على الحجات الى تخص مستقبلى
والى تخصنى اوى غير كدة بتمالك نفسى
انت بقى حسيت بايةلما عرفت النتيجة الثانوية

فى تانيه كنت فى السينما ساعه مطلعت وبما انها كانت نتيجه سورى يعنى فى الكلمه (زفت) كنت حاسس من جوايا انى متضايق من نفسى جدا بس من بره كنت باااااااااااارد .... وفى تالته الحمدلله كانت حلوه وكنت فرحان من جوه وبرضه بااااااارد من بره بس برود عن برود يفرق ....

سؤالى:
عملت ايه لما عرفت انك هتخش كليتك اللى انت فيها؟

لما عرفت رضيت بالامر الواقع بس بعدها
ولما روحت الكلية وانا دخلة اعد اعيط جااااااااامد
مكونتش مصدقة انى دخلت الكلية دى
وبعدها كنت فى اسود ايام عمرى كل ماافتكر انى فى تجارة
مبطلش عيااااااااااااط لدرجة كنت بلبس اسود وانا راحة
انت اية احساسك لما بعتولك رسالة يؤلو انك داخل تجارة
طنطا

بصراحه رضيت بالأمر الواقع .. وقعدت اقنع نفسى ان كل اللى يجيبه ربنا كويس ومحدش عارف الخير جاى منين .. وكل حاجه نصيب .. بس اهو انجليزى خفف عليا شويه الهم اللى كنت فيه ....

سؤالى:
انت كان ايه احساسك فى الاسبوع اللى فات ده ؟ مع تزايد الاشاعات ؟

صراحة مش فاكرة احساسى اية الاسبوع الى فات
بس اشاعات اية انا اساسا ماليش علاقات كتير
شؤالى انت اصدك اية ياعم وايت

سورى يا نور انى مكنتش واضح فى سؤالى بس انا كنت بتكلم على الاشاعات عن النتيجه؟ كان ايه احساسك ساعتها مع الكلام عن ظهورها .... ؟

والله خايفة جداااااااا لان حسة انى مش هنجح
وكدة تبقى كملت

يا ستى متخفيش ان شاء الله ناجحه .. انا كنت زيك كده ويمكن اكتر شويه بس الحمدلله ربنا ستر وسيبيها على ربنا ....

بما انك نسيتى تسيبى سؤال اسأل انا:


ايه آخر مره عشت فيها لحظه سعيده؟

اخر مرة عشت فيها لحظة سعيدة يوم الخميس لما عرفت النتيجة خاصة انى كنت متوقعة السقوووووط
بس مش فرحت علشانى فرحت انى فرحت اهلى خاصة بابا اللى كل الناس كانت تقعد تقولوا انى هاخد السنة فى2
وقعد يرفع من معنوياتى ويوعدنى بوعود يااااااااااااااارب يعملها
سؤاااااااااااااااااااااااااااااااااااال.....
اية اكتر فرصة حسيت انك ضيعتها؟؟؟

على فكرة يا كيرى استايل المنتدى الجديد حلو قوى
اثبت بقة مش كل لما افتحة الاقيك عامل حاجة جديدة
وميرسى على الاستايل الجامد دة

مدام باباكى وعدك يا كريزى ان شاء الله هينفذ وعده ........
ومبروووووووووووووووك كمان مره ع النجاح
وعقبال باقى اصحابنا يا رب ....

اكتر فرصه حسيت انى ضيعتها ايام ثانويه عامه .. الواحد لو كان ذاكر كويس فى السنتين كان دخل الكليه اللى كان بيحلم بيها ..
بس برضه كل اللى يجيبه ربنا كويس ....

سؤالى:
ايه آخر موقف كنت مكتئب جدا فيه؟

اللة يبارك قيك وايت انجل وعقبالك ان شاء اللة السنين الجاية بأحسن من كدة الف مرة

اخر مرة كانت قريب جدااا بسبب ناس انا مبحبهمش قاعدوا معانا فترة فى البيت
تعبوا اعصابى جداااااااا
سؤاااال....
هل فى حد معين فى حياتك تتمنى انة يهتم بيك؟؟؟؟

ميرسى يا كريزى .. واوعدك ان شاء الله الواحد يشد حيله الترم التانى ...
وبتمنالك امتياز طول حياتك ليكى ولكل اصحابنا ....

ومن ناحيه ان فيه حد فحياتى نفسه انه يهتم بيا فالاجابه (كتيييييييييييييييييييير) ..

سؤالى:
ايه آخر موقف حسيت انك عايز تعيط فيه؟

اخر مرة كانت النهاردة الصبح لما واحدة صاحبتى وحبيبتى قوى قوى
عرفت خبر وحش كنت بكلمها وصوتها كان مخنوق قوى حاولت انى اضحك معاها واخفف عنها بس مقدرتش كانت صدمتها اكبر
ساعتها حسيت انى اتخنقت قوى وعايزة اعيط بجد
سؤاااال....
اية هى القناة التليفزيونية المفضلة ليك

ليه بس يا كيرى الكئابه دى .. فكها شويه يا مان .. الحياه حلوه برضه

اكتر موقف دحكت فيه كنت مع جماعه قرايبى فى مطروح وكنا مهيسين خالص الساعه 4 الفجر وعمالين نعمل حجلت غريبه فى الشارع ونعمل مواقف قعدنا ندحك عليها كتيييييييييييير


سؤالى:
ايه احسن حاجه عملتها فى حياتك؟

ليه الواحد مش بيعرف ينسى ؟؟؟؟؟

ممكن علشان مش عايز ينسى
ولو عايز تنسى فى حجات كتير ممكن تخليك تنسى
شؤالى مين الشخص الى انت بتعتبرة قدوة ليك

قدوتى هو بابا نفسى اوصل لنص اللى هو فيه من حيث كل حاجه

سؤالى :
ايه اوحش صفه فيك؟

حاجااات كتير قوى
بس يمكن اسؤهم واللى بتعملى مشاكل كتيير انى لما بنفعل بعك فى الكلام قوى
سؤاااال....
هل ترى نفسك دائماا على حق...؟؟؟

عمرى ماشوفت نفسى على حق
بعدها اقول انى زودها شوية بس مش
فى كل المواقف ولما بحس بكدة بروح لماما هى تؤلى انا
كنت على حق ولا لا وبقتنع بريها
شؤالى امتى شوفت نفسك انك على حق؟؟؟ يعنى موقف معين

الحاجة الوحيدة اللى بعتبر فيها نفسى على حق
لما اشوف حاجة بتتعمل وهى غلط وحرام وكل الناس عارفة انها غلط وحرااام واقول ان دة غلط ببقى واثقة انى على حق
سؤاااااااااااااااال يا ريت الكل يجاوب علية
مين اكتر عضو بيعجبك اسلوبة على المنتدى؟؟؟؟

صراحة انا شايفة ان كل الاعضاء محترمين فى ردهم وانا شخصيا
بحترم كل الاراء حتى لو مختلفة معايا
ورودوهم كلها كويسة واعتقد ان احنا كلنا زى بعض
فى الاسلوب وطبعا الى لية رايى تانى يؤل بكل صراحة

بصراحه انا مع نور فى رأيها
الاعضاء كلهم محترمين ردهم محترم حتى لو كان فيه نقد بيكون نقد بطريقه محترمه . وطبعا من حق كل واحد يقول رأيه بصراحه حتى لو كان مخالفه لباقى الاعضاء .. وطبعا اكيد كلنا زى بعض .

وبما ان ان نور نسيت تسيب سؤال اسأل انا:

ايه آخر مره حسيت فيها انك غلبااااااااااان؟
ويريت العضو اللى بعدى يجاوب برضه على سؤال كريزى؟

يوم النتيجة جالى الاحساس دا
بصراحة معنديش سؤال ممكن حد يسال بدالى

ان شاء الله تكونى نجحتى بأمتياز يا نور ....


سؤالى:


لما تتنرفز جدا بتمسك اعصابك ولا بتنفجر فى اللى قدامك؟

لالالالالا عمرى مامسكت نفسى
بكون وحشة اوى لما بزعل وحاصة الى قاصد يستفزنى
وكلمة انفجر دى كلمة بسيطة على الى انا ببقى فية
تعمل اية لو اكتشفت ان صديق عمرك طلع انسان مش كويس

اكيد يعنى هحاول اصارحه واحاول اساعده على انه يتعدل منفعش او هو مرضيش خلاص يبقى اكيد هقطع علاقتى بيه ...

سؤالى :

ايه آخر مره اتحطيت فيها فى موقف وحش؟