سؤال واللى بعدك يجاوب

احساس الوحدة ممكن يتكسر بان الواحد يحاول يقرب من كل اللى حولية
ويدور على حد عشان يبقى رفيق لية
ويقرب من ربنا اكيد بعدها مش هيحس بالوحدة
سؤااااااااال
لما بتزعل من حد بتقولة انت زعلتنى ولا بتسكت؟؟؟

اقرب واحد ليا بعد الناس اللى فى عيلتى واحد صحبى
بحس انه قريب جدا منى وبيفهمنى وبرتاح لما بتكلم معاه
سؤالى:
عمرك شفت موقف اثر فيك قوى ؟ وهز مشاعر جواك؟

اه ده حصل معايا انا شخصيا لما كنت بودع حبيبة عمرى وتوأم روحى كانت هى انا كانت حتة منى بجد كنت بخاف عليها اكتر من عنيا مش مشاعرى اتحركت بس ده كنت هموت فيها بس هي قالتلى لو بتحبنى بطل عياط بجد كان اصعب يوم فى حياتى يا ريتنى ما كنت افتكرت
سؤالى:-
تعمل ايه مع واحدة بتحبك وانت مش بتحبها وبتحاول تقرب لك وانت مش موافق ولا بتحبها ومش عايز تقلها حاجة عشان متظلمهاش لأنك مرتبط بماضى ؟ّ!؟

هحسسها بعدم اهتمام وهى هتبعد من نفسها ولا تكون جرحتها ولاهنتها


سؤااااااااااااااااااااال؟؟؟؟؟
مين اكترحد بيقدر يستفزك بسرعة؟؟؟

انا اساسا بارد جدا ومعتقدش ان حد يقدر يستفزنى بس الوحيده اللى عرفت تنرفزنى وتستفزنى بجد (اختى)

سؤالى :
ايه آخر موقف حسيت فيه انك محطوط فى موقف صعب ومضغوط عليك وانت مش عارف تعمل ايه؟

اخر موقف صعب كان انى لازم ابلغ واحدة صحبتى بخبر وحش جداااااا كل اللى حولية قاعدوا يضغطوا علية ويقولولى انت اقرب واحدة ليها ومحدش يقدر يبلغها الا انت
ساعتها كنت عايزة الارض تنشق وتبلعنى بس ما اقولش حاجة ...والحمد للة عدت على خير
سؤااااال؟؟؟
اية اسوأعادة اكتسبتها ونفسك تبطلها؟؟؟

ليه بس الفضايح دى ؟
بس ماشى يا كريزى
اسوأ عاده .. معتقدش انى اكتسبتها من حد هى جت كده لوحدها انى سعات كتير بأخر الصلاه ومع انى عارف ان كده حرام .. بس برضه بحاول اقنع نفسى ان كده عادى واحسن من اللى مبيصليش اساسا .....
وبجد بجد نفسى ابطل كده .... ادعوووووووووووووولى ....

سؤالى :
عمرك حسيت انك منبوذ ؟ ولو اه ... ليه ؟

حاسة انى منبوذة فى الوقت الحالى حاسة انى دخلة فى مجتمع جديد اللى هو الكلية
بأفكارى اللى اتربيت عليها ومعظم اللى حولية بيشوفوا ان دة تزمت وانى معقدة وبالتالى محدش بقى بيحاول يحكيلى اى حاجة هما عارفين وجهة نظرى فيها واما يحاولوا يتكلموا فى اى حاجة عارفين رفضى فيها بيحصل تهامس وكلام من تحت الطربيزة انا معرفش كدة ابقى منبوذة ولا اية بس دى حاجة بضايقنى....
سؤاااال...؟؟؟؟
عندك استعداد تعمل غلط لمجرد ان كل اللى حوليك بيعملوة وبقوا بيعتبروا ان الغلط دة مش غلط؟؟؟

لا طبعا مدام هو غلط وانا شايف انه غلط ومقتنع انه غلط يبقى اكيد عمرى مهعمله
بس لازم اكون مقتنع انه غلط
وطبعا غلط عن غلط يفرق

سؤالى:

ايه اللى انت شيفه من وجهه نظرك احلى حاجه واحلى صفه فيك ؟ وبعدين نفس السؤال بس من وجهه نظر اللى حوليك ؟

انا من وجهة نظرى انى مبحبش اتكلم عن نفسى خاااااصة فى موضوع احلى حاجة فيك لانى بعتبر ان المميزات يذكرها غيرى مش انا

اما من وجهة نظر الناس بيقولوا واللة اعلم واللة اعلم انى طيبة وقلبى ابيض وانى مبعرفش اكدب واللة اعلم
سؤاااااااال...؟؟
اية الموقف اللى حاولت تصلحة قمت مبوظة اكتر؟؟؟

كنت مره بتكلم مع واحد صحبى وعرفت انه متخانق مع واحد تالت صاحبنا فبقله ازاى ده انا لما كنت معاه امبارح ... ولسه هكمل بقيت الكلام ... لقيته فجاه اتعصب وقال يعنى هوه جه امبارح صح ؟ فقلتله اه ؟ لقيته بيقول طيب حسابه معايا بعدين ....
فساعتها عرفت انى نيلت الدنيا اكتر مهى منيله .. وقعدت اشتم فى غبائى ..


سؤالى:
ايه آخر موقف حسيت انك محتاج للحنان فيه؟

لما مرة اتخنقت مع ماما وقررت ان هى تقاطعنى ومتكلمنيش ساعتها قولت مش مهم ومهتمتش بالموضوع وكابرت انى اعتذرلها
لكن بعد شوية ابتديت احس انى محتاجالها محتاجة اتكلم معاها ومحتاجة انها تتبطب علية وتحضنى
سؤاااال...؟؟؟
نفسك تغير اسمك ولو هتغيرة هتسمى نفسك اية؟؟؟؟

لا بصراحه انا عجبنى اسمى ....
بس ان كان ولابد يعنى انى اغيره ....
هغيره واخليه أدهم ....

سؤالى :
هل انت انسان متردد ؟ ولا عارف انت عايز ايه طول حياتك؟

لا ساعات كتير مترددة ومأخدش الموقف الا لما لاقى اللى يشجعنى علية وساعات من غير تردد بعمل على طول اللى انا عايزاة

سؤاااااال....؟؟؟

مرة شوفت حاجة غلط ومقدرتش تتكلم او تصلحها؟؟؟

كنيييييييييير بس مبتكنش حجات تخصنى .. اما لو تخصنى فبحاول بقدر الامكان انى اصلحها ..
سواء حاجه خاصه بيا او بأى حد اعرفه ؟

سؤالى :

امنى آخر مره عملت حاجه مجنونه؟ وايه هى؟

اخر مرة عملت حاجة مجنونة
لما اخدت موبايل اختى وسجلتلها بصوتى نغمة منبة كانت عبارة عن انى بجعر فيها واقولها اصحى يا بت بطريقة متخلفة قوى قوى
وعملتها من وراها نغمة المنبة بتاعها وتانى يوم صحية مفزوعة وفضحتنى بعدها
سؤاااااااااااااااال...؟؟؟
عندك حسن استماع للى قدامك ولا بتزهق بسرعة

صراحة سعات لما بكون مشغولة
او بفكر فى حاجة مبقدرش اسمع حد ولما بيكون موضوع يهمنى
بحب اسمعة مرة وحدة بس مش بحب عياد الكلام كتير
بس الحالة الوحيدة الى اسمع بجد لما حد يكون تعبان نفسيا ويحب يكلمنى بكون
مستمعة جدااااااا علشان كدة اصحابى دايما يؤلولى كنتى المفروض تكونى دكتورة فى علم النفس
امتى حسيت انك مظلوم فى الدنيا وانك سىء الحظ

كتير اوى حسيت انى مظلوم وخاصة فى البيت
ومن ناحية اني سيئ الحظ فأنا وبلا فخر سيئ الحظ خالص سيئ اوي
سؤالى:- ايه الموقف اللى حصل واتمنيت انه محصلش وقلت يا ريته ما حصل
اتفضل يا اللى بعدي

صراحة احب احتفظ الاجابة لنفسى
لانى كنت بتمناها الاول ودلؤقت بندم ندم عمرى
شؤالى اية الموقف الى انت خوفت فية اوى

بصراحة لما اكون لوحدي او اشوف كلب مفترس
غير كده بقا انا لسة هخاااف اوي على ما النتيجة تقرب تطلع
سؤالى:-
ومن غير ما حد يتريأ بليييز
ازاي تحط صور وانت بتعمل موضوع جديد؟ محدش يتريأ انا قلت اهو عشان عايز اعمل موضوع جديد في صور ان شاء الله هتعجبكم

لا يا رايق عادى .. سؤالك عادى
وهجاوب عليه من غير تريئه ولا حاجه ....
انت تضغط على (اضف صوره) وحط رابط الصوره فى المربع اللى هيظهرلك
اما لو كانت الصوره عندك ع الجهاز اصلا
فأنا اضم صوتى لصوتك .. ونسأل كيرى ..
عشان سألته مره قبل كده وقالى هوريك بس لما نكون قاعدين مع بعض
ومطنشنى لغايه دلوئتى .. بس ان شاء الله هيقولى ....

سؤالى:

ايه آخر موقف اتغظت فيه اوى ؟

مش فاكرة بصرااااحة موقف معين بس اللى عندة موقف بعدى ممكن يقولة اكيد

سؤااااااااااااال...؟؟؟

اية اعظم مواقف الخيانة بالنسبة ليك سواء من صديق او حبيب؟؟

بالنسبه للحبيب .. فبما ان مفيش حبيب اصلا .. واظن انتو خلاص بقيتو عارفين ليه .. فمش هعرف اتكلم عنه ..

اما بالنسبه للصديق .. فبعتبره خاين لما يخلف بكلمته كذا مره عن عمد والاقيه يستندل معايا كتير .. واعرف انه بيذم فيبا وانا مش موجود ..

سؤالى :

ايه اسعد و اسوأ موقف فى حياتك؟

اسعد موقف وكنت هموووت من الفرح لما اخويا الصغير اتولد
اسواء موقف لما مرة اؤلت لوحدة قريبتى حاجة او حجات وهى راحت قايلة كلامى كلو بس بطريقتها
كرهت نفسى وكرهتها
شؤالى مين الشخص الى انت حسيت انة كان ندل معاك

لما مرة كنت متعودة مع واحدة انى لما ادخل اى محاضرة اعلم على اسمها فى حالة عدم وجودها

ويوم ما كنت تعبانة وعايزة اروح وطلبت منها تعلم على اسمى وقفت طلعتلى 100 حجة ان هى مش هتعرف

اضايقة طبعاااااا جداااااا

سؤاااااااال..؟؟؟

لما حد يتكلم معاك بشدة بترد بنفس الطريقة ولا بتعرف تتعامل بدبلوماسية؟؟؟

اكيد الشكل دة احسن يكتيييييييييييييييييييييييييييير وانا فى الاول خااالص بعت قولتلة ان المناظر دى مش حلوة

سؤاااااااااااال...؟؟؟
هل حصلت وانهارت قبل كدة؟؟؟

اة مرة شوفت منظر غريب انا انهارت يوميها
وكنت حسيت انى مش قادرة امشى ولا اتكلم بس كنت بعيط جاااااااااامد اوى
امتى حسيت انك غريب عن بيتك

بحس بكدة كل صيف
لما بنروح نصيف كل سنة فى اسكندرية عندنا شقة هناك بس فى الفترة دى يوميااااا أهل ماما بيكونوا عندنا خاااصة انهم عايشين فى اسكندرية
وبيكون البيت مهرجان وكل ما ادخل قوضة الاقى حد فيها الموضوع دة بيحسسنى انى غريبة فى البيت خااااصة انى بحب الخصوصية جدااااااااا

سؤاااااااال..؟؟
تعمل اية لو اعز اصحابك قسى عليك؟؟؟

ببساطه هصارحه
واشوف رد فعله .. لو اعتذر يبقى خلاص مفيش مشكله
لو ساء فيها هحاول اقنعه انه كده بيجرحنى .. مفهمش .. خلاص .. معتقدش انه يستحق انه يكون صحبى ....

سؤالى :

لو انت حسيت انك نيلت الدنيا فى موقف ما .. بس بدون قصد .. وخايف تصلحه .. تزعل ناس معينه .. هتعمل ايه ؟؟

ما حدش كبير على الأعتذار اكيد حعتزر

ماذا تتذكر عند وقوفك على القبور

انا عمرى ما دخلت قبور بس لما بعدى من عليها ساعات من على الطريق بحس برهبة كبيييييييرة

واخاف قوى من اليوم اللى هبقى فية فى المكان دة ربنا يسترهاااا

سؤاااال..؟؟؟

بيتحكم فى تصرفاتك اكتر مين... الضمير ولا العقل ولا القلب؟؟؟

صراحة ضميرى هو بيخلنى معملش حجات كتير
ولو غلط وعملتها ضميرى هو الى بيوجعنى اوى اما العقل
والقلب مش زى ضميرى فى تحكم تصرفاتى
شؤالى مين الشخص الى حسيت انك اتغشيت فية واتمنيت انك متعرفوش

واللهى انا فى الواقع ممكن اكون اتغشيييت فى كتير من اصحابى بس مش اقدر اقوول اسمه اكيد عشان كده انا بنم فيه


وسؤالى:-
هل تجدد او تجددى التوبه الى الله سبحانه وتعالى ؟ وكم مرة ارتكبتى زنبا او ارتكبت زنبا وجددتى او جددت التوبه ؟

بص يا ماريو
انا اه اكيد بجدد التوبه الى الله
بس للأسف اكيد ارتكبت ذنوب كتييييييييييير جدا جدا
بس بحاول استغفر ربنا اول بأول واتوب عن اللى بعمله

سؤالى
لو انت حاسس ان فيه واحد مزودها معاك شويه فى موضوع معين .. بس انت مش عايز تحرجه .. هتعمل ايه؟

اكيد اكبر الكبائر هى الشرك باللة

سؤااااال...؟؟

هل انت مرن مع الحياة؟؟؟؟

ايوه بيتهيألى عادى يعنى
ولو مش مرن .. اكيد بحاتول جاهدا

سؤالى :
يترى فيه موقف حسيت فيه انك ولمؤخذه مغفل ؟

اكيد موقف اليومين دول مع اصحابى اللى مزعلنى ومخبيييييين علية حاجااااااات كتيييييييييير

وبيتفقوا على حاجات من ورايا

سؤاااااال؟؟؟...

اية المواقف اللى بتخليك طاير من الفرحة؟؟؟

مواقف كتير بتخلينى طاير من الفرحه
لما انجح مئلا
لما يقولولى فى البي حضر شنطتك احنا او اتنت مسافر او مسافرين دلوئتى
لما اتنين اصحابى يكونوا متخانقين وقافشين مع بعض ويتصالحو
ومواقف تاااااااانيه كتييييييير

سؤالى :

بتعمل ايه لما تكون مخنوق ؟

لما اكون مخنوق دايما اخرج منالبيت لانى لو فضلت فى البيت هتخانق او باكتم فى نفسى وانام وده بيكون افيد !؟ ولا ايه؟
سؤالى /ايه مواصفات الانسان او الانسانه اللى نفسك ترتبط او تربتطى بيه؟

نفسى ارتبط بشخص يكون طيب ويحبنى اوى
ويكون مخلص دى اهم حاجة ومش بتاع بنات اصل انا بكرة الصفة دى
وعلى فكرة لازم يكون امور طبعا
شؤالى
اية اكبر ذنب انت عملتة وضميرك وجعك علية

اكبر ذنب عملته وماذلت بعمله
للأسف تأخير الصلاه .. وضميرى بيأنبنى على كده جااااااااامد
بس ان شاء الله هتعدل .. بس انتو ادعووولى
سؤالى :
عمرك اندفعت فى موقف معين ونيلت الدنيا بأندفاعك ده ؟

سعيدة بدخول الكلية اةةةةة

كان نفسى ادخلها بس غيرت رأى لما دخلتها

اما تحقيق الهدف فدة لسة باااااااااااادرى علية دة ان وصلتلة اصلاااااااااااا


سؤااااااال...؟؟؟؟

امتى حسيت انك لازم تبعد عن ناس معينة؟؟؟؟

كتير بحس كده
وفعلا ببعد عنهم .. بلاقى تصرفاتهم وحشه .. اخلاقهم بايظه ..
وفيه ناس تانيه بديها فرصه الاول .. بس لو متعدلوش
برضه ببعد عنهم
سؤالى :
مين اكتر واحد و واحده هتزعل لو فقدت صداقتهم او معرفتك بيهم باظت ؟

D; هههههههههههه واالهي انتى دمك زي العسل يا كريزي وكل المنتدي الرائع ده
بص بقا يا وايت انجل انا ممكن اكون فيا من كيري وسؤالك ده ضحكني اوي ال مين الواحد اللى هتزعل لو علاقتك بيه باظت ال (سوري) اصل انا كل صحابي لو بعت عنهم وباعوني مش هزعل خالص لأنهم(بأمانة) مينفعوش صحاب بمعنى الكلمة اصلا فميش اصلا اي حد ممكن اندم عليه ويعني يا نور مش لازم يكون وسيم وأمور اوي ( )
بس في واحدة لو علاقتي باظت معاها اموت نفسي هيا بيري وقربتى وجدعة اوي ده طبعا بعد علاقتي مع ربنا لو باظت يقا منفعش خالص
سؤالي:-هتعملو ايه معايا بعد الرغي ده كله ؟(يالا استحملوني شوية مش انا صاحبكوا ولا ايه؟)

بصوا بقا انا ولا هجاوب ولا هسأل قبل متردو على اللى اسمه (the rocky man)
ازاي يقول على كيري انه كئيب ودمه تقيل إزااااااااااااااااي ايه مفيش دم كده خالص يا جماعة بليز ردوا عليه وقلوله كده لا ينفع خالص